تۆرا لالش
ب هەلکەفتا جەژنا سەرسالا ئێزدیان بنگەهێ لالش تایێ شاریا ب هەڤکاری ل گەل ڕێکخراوا ئێمە، چالاکیەک بۆ بتر ژ 150 کەسان ل ڕێککەفتی 13/4/2025 ل ڕۆژا ئێکشەمبێ ل هۆلا لالش ئێک سازکر.
ل دەستپێکێ پەیڤەک هاتە پێشکێشکرن ژ ئالیێ دلگه‌ش سه‌لیم بەرپرسێ بنگەهێ لالش تایێ شاریا ڤە تێدا ب خێرهاتنا ئامادەبوویان کر و جەژنا سەرێ سالێ پیرۆزکر، و دیسان هەر د ڤێ چالاکیێدا سمینارەک ژ ئالیێ پارێزەر (سوزان خودێدا) هاتە پێشکێش کرن ل دۆر بەرهەڤی و ڕۆلێ ژنا ئێزدی د جەژنا سەرسالا ئێزدیان دا، و جەخت ل ڕۆلێ وێ یێ کارا کر.
دیسان د ڤێ چالاکیێدا بڕگەیەکا مۆزیکێ ژ ئالیێ گرۆپێ ئەزدا هاتە پێشکێش کرن دگەل هلکرنا ژمارەکا شەمالکان.
ل داویێ ژی چەندین هێک هاتنە کەلاندن و ڕەنگکرن و هەلاویستنا کولیکێن نیسانێ و ژ ئالیێ چەند کچان ڤە ئاماژە بۆ ڕێوڕسمێن جەژنا سەرسالا ئێزدیان.
جهێ ئاماژێ یە بتر ژ 100 تەبەقەیێن هێکان ل سەر ئامادەبوویان هاتنە بەلاڤ کرن کو ژ ئالیێ شێخ نادر ناصر ڤە هاتبوونە دابین کرن.
بۆ زانین بنگەهێ لالش تایێ شاریا سالانە ب هەلکەفتا جەژنا سەرسالا ئێزدیان چەندین چالاکیان ساز دکەت.
تُتاح هذه الصورة أيضا في: کوردی
