كچەكا رزگاربووی:پاشەرۆژا ئێزدیان ل عێراقێ دمەترسیێ دایە
تۆرا لالش یا راگەهاندنێ
كچا رزگاربوویا ئێزدی”ئخلاص خدر”پشكداری(10)كۆنگرێن جیهانی بوویە و داخوازا رزگاركرنا گرتیێن ماین ددەست داعشێ دا كریە و دبێژت:ژیان و پاشەرۆژا ئێزدیان ل عێراقێ دمەترسیێ دایە.
ئخلاصێ بۆ رۆژناما دەنگێ لالش راگەهاند:”وەك چالاكڤان پشكداری د چەند كۆنگرێن گرێدایی مافێ كێمینەیێن ئۆلی دا كریە ل وەلاتێن هولندا وسوێسرا و بریتانیا و فەرەنسا وبەلچیكا و رووسیا و چیرۆكا خۆ وئەو دەردەسەری و مەرگاساتا بسەر گەلێ ئێزدی دا هاتی ژ ئالیێ رێكخراوا تیرۆرستیا داعش ڤە گەهاند و گۆت:” د(10)كۆنگرێن جیهانی دا داخواز كر كچ و ژن و زارۆكێن گرتیێن مە ئێزدیان رزگار بكن و پاراستنا نێڤ دەولەتی بۆ كێمینەیێن ئۆلی و ب تایبەت بۆ ئێزدیێن شنگالێ بێتە دابینكرن،چنكو ژیان و پاشەرۆژا ئێزدیان یا زەحمەتە و د مەترسیێ دایە ل عێراقێ،داخوازكریە هاریكاریا كۆچبەرێن ئێزدی ل یونان و توركیا بكن هەتا دگەهنە وەلاتێن دیتر یێن ئەورۆپی”.
دازا نین ژی رزگار كرنا ههەر كچك و ژنەكا ئێزدی ژ دەستێن تیرۆرستێن داعش مەزنترین دیاریە بۆ وێ و ب نادیا موراد و هەموو رزگاربوویان سەر بلندم،كو كار دكن بۆ ئاشتی و ئازادیێ و وەكهڤیێ بۆ گشت مرۆڤایەتیێ و نادیا موراد بوو دەنگێ ژنێن ستەملێكری بێ جێوازیا ئایینی و نەتەوەیی ل رۆژ هەلاتا ناڤەراست.
تُتاح هذه الصورة أيضا في: کوردی