ڤیان خەلەف: ئافرەتێن شنگال دەستێن خوە ژ حكومەتا عێراقی شووشتنە
باسنيوز:
بەرپرسا ئەنجومەنا ئافرەتێن قەزا شنگال دیاركركو رۆژا هەشتێ ئادارێ دێ ب چەندین چالاكیان ژلایێ ئافرەتێن شنگال ڤە هێتە ساخكرن. دێ داخازێ ژ دەولەتێن جیهانێ كەن هەڤكاریا حكومەتا هەرێما كوردستانێ بكەن بۆ رزگاركرنا رەڤاندیێن ئێزدی.
ڤیان خەلەف، بەرپرسا ئەنجومەنا ئافرەتێن قەزا شنگال، بۆ (باسنیوز) دیاركر: “ئافرەتێن شنگال بێ ئومیدبووینە ژ سۆزێن حكومەتا عێراقی نۆكە هەموو ئافرەتێن شنگال دەستێن خوە ژ حكومەتا عێراقی شووشتن چونكو ئەم گەهشتینە وێ باوەرێ بەغدا بۆ ئافرەتێن شنگال چوو ناكەت. ئەڤە پتر ژ سێ سالان زێدەتر ژ سێ هزار كچ وژن و زارۆكێن ئێزدی دەستێن تیرۆرستێن داعشێ دا هەتا نۆكە بەغدا چوو نەكریە”.
خویا ژی كر: “حكومەتا هەرێما كوردستانێ هەتا نۆكە پتر ژ سێ هزار رەڤاندیێن ئێزدی رزگاركرینە ژدەستێن تیرۆرستان. ئەم داخازێ ژ هەموو دەولەتێن جیهانێ دكەین هەڤكاریا هەرێما كوردستانێ بكەن بۆ رزگاركرنا كچ وژنێن رەڤاندیێن ئێزدی”.
تُتاح هذه الصورة أيضا في: کوردی