رێكخراوەك كارى ژ بۆ پشكداریا ئافرەتێن پێكهاتەیان د سیاسەتێ دا دكەت
ئەڤرۆ
هەدیا حسێن، بەرپرسا رێكخراوا رابە ژ بۆ ئاڤاكرن و شیانان بۆ رۆژناما ئەڤرۆ دیار كر،
خولەكا سێ رۆژی ژ بو هەژمارەكا ئافرەتێن سەركردە ژ پێكهاتەیێن جودا، ژ بۆ باژێرێ دهۆكێ و نینەوا هاتبوو رێكخستن، ژ بۆ هندێ ئافرەتێن پێكهاتەیان بشێن پێگەهێ خۆ د سیاسەتێ دا ب هێزبێخن.
هەدیایێ خویا ژی كر كو خول ژ لایێ رێكخراوا رابە ژ بۆ ئاڤاكرن و شیانان هاتە بجهئینان ب هەڤكاری ل گەل رێكخراوا ستێپ ب پشتەڤانیا قونسلخانا ئەمریكا ل هەولێرێ هاتە بجهئینان و گۆت: «ئارمانجا سەرەكی ژ ئەڤان جۆرە وركشۆپان ئەوە ئافرەت بشێت پێگەهێ خوە دناڤ سیاسەتێ دا بهێزبێخیت و هشیاری ئەوان ئەرك و مافان بیت یێن د دەستوورێ وەلاتی دا هاتینە دانان، ژ بۆ هندێ گەنج و ئافرەت بشێن پشكداریێ د بڕیارێن سیاسی دا بكەن، چونكی هێز و شیانێن ئافرەتێن كورد ژ یێن ئافرەتێن بیاتی كێمترنینن».
ناڤهاتیێ گۆتژی: «رۆلێ رێكخراوان گەلەكێ گرنگە د هشیاركرن و پێگەهاندنا ئافرەت و گەنجان دا د بیاڤێن جودا دا، لەورا داخواز ژ هەر رێكخراوەكێ یان هەر سازیەكا تایبەتمەند بیت د پێگەهاندنا گەنج و ئافرەتان دا دكەین، كار ل سەر شیانێن ڤان تەخێن گرنگێن جڤاكی بكەن، داكو ئەم بشێین جڤاكەكێ ساخلەم و یەكسان ئاڤا بكەین و مفای ژ هێز و ئیرادا وان وەربگرین».
تُتاح هذه الصورة أيضا في: کوردی