دووپات بوو كو ئەو زەلامێ دبلوماسیەت وئاشتیێ یە
خالدخدر
پشتی كو خەلكێ كوردستانێ ل (25/9/2017)رێژا (92%)دەنگێ خۆ دایی راپرسییا سەربەخۆیا كوردستانێ و ژ ئەنجامێ وێ چەندێ وەلاتێن دراوسێیێَن مە ئاریان و لسەر كوردستانێ بوونە گورێن هار ودرندە،ب تایبەتی عێراق و توركیا وئیران كو گڤاشتنێن تووند و دژوارئێخستنە سەر گەلێ كورستانێ ، و كوردستان هاتە دوورپێچ كرن وسزادان ب تایبەتی ژئالیێ عێراقێ ڤە وحكوومەتا عێراقێ هەردوو فرۆكخانەیێن هەولێر وسلێمانیێ دائێخستن،ویا ژهەموویێ مەزنتر ئەو بوو ل (16)ی ئیكتۆبەرێ (چریا ئێكێ )2017 باژێرێ كەركووكێ هاتە داگیركرن ژ ئالییێ لەشكەرێ عێراقێ و حەشدا شەعبی ڤە و ب هاریكارییا پاسدارێن ئیرانێ و پلان ونەخشەكێشانا ژەنەرالێ ئیرانی (قاسم سولەیمانی ) وب خیانەتكارییا گرۆپەكی كوردستانێ یێ دیاركری!، وپاشی داگیركرنا هەموو دەڤەرێن كوردستانی یێن دەرڤەی ئیدارا حكوومەتا هەرێما كوردستانێ.
وهێرشا هۆڤانەیا لەشكەرێ عێراقێ وحەشدا شەعبی لسەر هەرێما كوردستانێ ، بەلێ ل دەملدەستدا پێشمەرگێ كوردستانێ یێ قارەمان بەرسڤا وان ب تووندی دا ، ب تایبەتی ل پردێ كو داستانەكا هەرە مەزن و دیرۆكی تۆماركرن ب تایبەتی ل دەمێ ئەو تانكا بناڤێ (ئەبرامز ) یا ئەمریكی یا د دەستێ لەشكەرێ عێراقێ دا ژناڤبری ئەو مەندەهۆش بوون كو ب كوالیتیەكا بەرز هاتیە دروستكرن و دهەمان دەمدا ترسەكا مەزن كەفتە ناڤ لەشكەرێ عێراقێ وگرۆپێن حەشدا شەعبی دا ،و پاشی ل رۆژا(26/10/2017)پێشمەرگێ قارەمان ودلێر وانەكا دی دا لەشكەرێ عێراقێ وحەشدا شەعبی ل دەڤەرێن زومار و رەبیعا ، خۆشبەختانە ئەو شەرە هاتە راوەستاندن دناڤبەرا پێشمەرگەی ولەشكەرێ عێراقێ ب هەول ودبلوماسییەتا رێزدار (نێچیرڤان بارزانی ) سەرۆكێ حكوومەتا هەرێما كورددستانێ ، دووپات بوو كو ئەو زەلامێ دبلوماسییەت وئاشتییێ یە ئەڤ چەندە ژی نە یا سەیرە و یا چاڤەرێكری یە ژ وی كو ئەو كورێ سەركردێ كورد یێ هەرەم ساخ (ئیدریس بارزانی )یە یێ هلگرێ ناسناڤێ ئەندازیارێ ئاشتییێ وهەروەسا نەڤییێ بابێ نەتەوا كوردە بارزانییێ نەمر ،هەلبەت رێزدار (نێچیرڤان بارزانی ) هەولدانێت جەنابێ وی ئەنجامێن باش وئەرێنی لپێ خۆ ئانین كو كوردستان وعێراق ژ شەرەكی خوناوییێ مەزن رزگاركرن ،ژئالییەكی دیڤە هەرێما كوردستانێ ژوێ دوورپێچا سیاسییا كەتیێ ئینادەر ودیسا پەیوەندیێن هەرێمێ دگەل جیهانا ژدەرڤە دووبارە زڤراندنە ڤە و خورت كرنەڤە ، كو جەنابێ وی سەرەدانا فەرەنسا و ئەلمانیا كر و ب گەرمی هاتە پێشوازیكرن ، وهەروەسا بەشداری د كۆربەندێ ئابوورییا جیهانی دا كر ل داڤۆس و ل وی كۆربەندی هەڤدیتنێت باش ئەنجام دان ،و سەرەدانا بەغدا و تەهرانێ كر ژبۆ ئاسایكرنا پەیوەندیا دناڤبەرا هەرێما كوردستانێ و بەغدا دا ژ ئالییەكی ڤە و ژئالییەكی دیڤە دگەل ئیرانێ.
هەروەسا سەرەدانێت بەرپرسێن ئەورۆپی بۆ هەرێما كوردستانێ ل ڤێ داویێ هەر ژ ئەنجامێ دبلوماسییەت و سیاسەتا ژیرانەیا رێزدار سەرۆكێ حكوومەتێ بوو ، ب تایبەتی سەرەدانێن وەزیرا بەرگریا ئەلمانیا و یا وەزیرێ دەرڤەیێ فەرەنسا بۆ هەولێرێ گرنگییەكا زۆر باش هەبوون ژئالییێ سیاسی و دبلوماسی ڤە ،دیسان بەشدارییا سەرۆكێ حكوومەتا هەرێمێ دكۆنفرانسێ ئاسایشا نێڤ دەولەتی یێ میونشنێ ل وەلاتێ ئەلمانیا ، كو ژ ئەنجام و ڤەرێژا ڤان سەرەدانا و ب سایا سیاسەت و دبلوماسییەتا رێزدار نێچیرڤان بارزانی دەستكەفتیێن باش و گرنگ بۆ هەرێما كوردستانێ ئیناینە ژ ئالییێ سیاسی و دبلوماسی ڤە و هندی گەلێ كورد سەركردەیێن وەك (نێچیرڤان بارزانی ) هەبن چوو جارا ناكەڤت و هەر دێ مینت زیندی.
تُتاح هذه الصورة أيضا في: کوردی