بنگەهێ لالش ڕەشمالەک بۆ کۆمڤەکرنا رەوشەنبیریەتیێ و بەڵاڤکرن ب ژ دەرڤە
كاروان ياعهدرى
پشتی بداویهاتنا کۆنگرا ١٤ یا بنگەهێ لالش یێ ڕەوشەنبیری، ب پلانەکا سێ ساڵیا ستراتیژیا ڕەوشەنبیری بنگەهێ لالش دەست ب خەباتا ڕەوشەنبیری-جڤاکی کر، ل سەر هەمان مەساری بەردەوامیکرییە و ل دووڤ ئارمانج و پلانا خۆییا دراشتی دۆماندییە ئەوژی لـ سەر پرەنسیپێن، نە وەستیان و خزمەتکرن و مانەوە و بەردەوامیی.
بنگەهێ لالش د درێژییا تەمەنێ خۆ دا ل گەل رەوشا هەرێما کوردستانێ گەلەک ئەڤراز و نشیفی دیتینە بەلێ هیچ جارەکێ ژی د ڕێکێدا نەماییە بەلکوو مل ب ملێ حکومەتێ هەڤڕێ بووییە ژ پێخەمەت رەسەنایەتییا ڤی نەتەوەیی ئەو ژی ب پلان و حیکمەتەکا مەزن یا کو سەرکرداتەییا کوردی ل پشت بووییە.
دیرۆک دیدەڤانە کو ئەوێن خەباتکرین د ڤێ سازییێدا، گەلەک جاران هندەک تشت هەبوون کو نە ئەرک و کارێن بنگەهی ژی بوون، لێ ژ پێخمەت گەهاندن و مفاوەرگرتنا ئێزدییان ژ وان تشتان بنگەهێ لالش ئەو شەرەفە وەرگرتییە دەستێ خۆ درێژکرییێیە ئەگەر ب زەرەر و زیان ژی دا ب سەر دا ڤەگەڕیا بیت نها ژی بنگەهێ لالش کار و هیڤیێن مەزن ل پێشن و ل داهاتی ژی ب کردار دێ سەلمینت کو خزمەتکرن ژ هەژی و لایقی ڤێ سازیێ دهیت
بنگەهێ لالش بێ رەچاڤوەرگرتن ل ناڤچەگەری یان جیاوازییا ئۆلی، هەردەم دەستێ خێرێ بۆ هەموو ئالییان درێژدکەت، دخوازیت پرەکە مەزنا پەیوەندیێن ئۆلی ل سەر بنەمایین نەتەوەیی و نیشتیمانی و مرۆڤایەتیی هەبیت.
هەردەم بەهایێن جوان ل سەر بناغەیین بهێزێن جڤاک سەر ئاڤا و بهێزبووی، دخوازیت ڕەسەناتیی و جوانیا ئاینێ ئێزدییان پێشان بدەت.
تُتاح هذه الصورة أيضا في: کوردی