نێزیكی 100 قوتابیێن ئاوارێن شنگالێ ل خانكێ پێتڤی هاریكاریانە
تۆرا لالش یا راگەهاندنێ
نێزیكی 100 قوتابیێن ئاوارێن شنگالێ،ل قوتابخانا زەینیات یابنەرەتی یاتێكەل ل كۆمەلگەها خانكێ بەردەوامیێ ددەنە خووندنا خۆ، بەشەك زۆر ژڤان قوتابیان پێتڤی ب هاریكاریانە،هەتا نۆكە چ رێكخراوێن خێرخوازی خۆ ل رەوشا وان نەكریە خودان.
صباح سمیر، رێڤەبەرێ قوتابخانا زەینیات یابنەرەتی یاتێكەل ل كۆمەلگەها خانكێ بۆ رۆژناما دەنگێ لالش دیاركر:” نێزیكی 100 قوتابیێن ئاوارە ل نك مە هەنە و هەموو ژی خەلكێ دەڤەرا شنگالێ نە،دناڤا وان دا تەخێن جێواز هەنە مینا هەژار و ئێتیمان،بەشەك زۆر ژڤان پێتڤی ب هاریكاریێ نە و هەتا نۆكە وەك پێتڤی چ رێكخراوێن خێرخوازی خۆ ل وان نەكریە خودان،ژبەركو بەشەك زۆر ژوان پێتڤی پێتڤیێن قوتابخانێ نە”.
سمیر گۆتژی داخوازێ ژ رێكخراوێن خێرخواز دكەین،خۆ ل ڤان قوتابیێن ئاواران ل قوتابخانێن خانك بكن خودان یێن كو ژدەرڤەی كەمپا خانكێ دژین.
تُتاح هذه الصورة أيضا في: کوردی