رێكخراوەك دێ هاریكارییان پێشكێشی زارۆكێن سێوی و هەژاران كت
تۆرا لالش یا راگەهاندنێ
رێكخراوا هەڤكار ب شێوەیەكێ خۆبەخشانە كاردكت و هەتا نۆكە پێنج پاسەپۆرت بۆ رزگاربوویێن ئێزدی دەرێخستینە و ل ئەلمانیا یێ چارەسەریێ وەردگرن،دپلان وێ یا ئەڤ سالە دایە هاریكارییا پێشكێشی ژنێن بێ هەڤژین و زارۆكێن سێوی و جۆتیاران و دانا قەرێن بچووك ب هەژاران بكت.
ریكێش ئامێدی، دامەزرێنەر و رێڤەبەرێ رێكخراوا هەڤكار بۆ رۆژناما دەنگێ لالش راگەهاند:” پشتی ئاوارەبوونا خەلكێ شنگالێ بۆ دەڤەرێن ئارامێن باشوورێ كوردستانێ،ب شێوەیەكێ بلەز رابووین ب كۆمكرنا خوارن و جلكێن زارۆكان و مەزنان و بەتەنیا و كەرەستەیێن ئاوارە پێتڤی دبنێ پێشكێشی وان كرن و گۆت:”هەتا نۆكە مە كاریە پێنج پاسەپۆرتان بۆ پێنج رزگاربوویان دەرێخین ل ئەلمانیا یێ چارەسەریان وەردگرن،دیسان شێست نۆژدار د بێاڤێن جودا جودا ل سنورێ پارێزگەها دهۆكێ ب شێوەیەكێ خۆبەخش دگەل مە كاردكن و ب ئەرزانی چارەسەریا ئاوارەیان دكن،هەروەسا مە پلان هەیە دئەڤ سالەدا هاریكاریا وان ژنا بكەین یێن بێ هەڤژین و زارۆكێن سێوی دگەل هاریكاریكرنا جۆتیاران و دانا قەرزێن بچوك ب هەژاران”.
ئامێدی گۆتژی خۆلێن دەروونی و پەروەردەیی و كۆمپیۆتەری و هتد بۆ قوتابیان دێ ڤەكەین،زێدەباری ڤەكرنا كۆرسان و دروستكرنا پەیوەندیان دناڤبەرا وان و قوتابخانەیێن پێشكەفتی ل جیهانێ دا.
ئەو چەندە ژی رۆنكر:”رێكخراو لگۆر شیانێن خۆ هاریكاریا هەموو ئاین و نەتەوە و هەركەسێ ئاوارەبت و بەرێ خۆ بدەتە كوردستانێ دكت”.
تُتاح هذه الصورة أيضا في: کوردی