سەرۆكێ قەوالێن ئێزدیان: دەولەتا كوردستانێ دێ بۆ پاراستنا مافێن هەموو پێكهاتان ئێتە دامەزراندن
باسنيوز:
كەسایەتی كوردێن ئێزدی و سەرۆكێ قەوالێن ئێزدیان دیاركركو دەولەتا كوردستانێ دێ بۆ پاراستنا مافێن هەموو پێكهاتێن ئاینی و نەتەوەیی هێتە دروستكرن لەورا ژی دخوازین هەموو خەلكێ مە دەنگێ بەلێ بۆ ریفراندۆما سەربەخۆیا كوردستانێ بدەن.
بەهزاد قەوال سلێمان سڤۆ، سەرۆكێ قەوالێن ئێزدیان، بۆ(باسنیوز) دیاركر:” دەمێ كارەساتا شنگال چێبووی 3/8/2014 هەرێما كوردستانێ ئێزدی پاراستن، هەكە نە دێ ئێزدی تووشی دوو كارەساتان بانە. بتنێ كوردستان وەلاتێ مەیە، دێ ئێزدیان پارێزت. دەمێ دەولەتا كوردستانی ژی دهێتە دامەزراندن بێگومان دێ مافێن ئێزدیان و هەموو پێكهاتێن دی یێن ئاینی ونەتەوەیی هێنە پاراستن چونكو دەولەتا كوردستانێ دی بۆ مە هێتە دروستكرن”.
خۆیا ژی كر:” كوردێن ئێزدی دێ چارەنڤیسێ خوە ئێكلا كەن ل ریفراندۆما سەربەخۆیا كوردستانێ. دێ هەموو دەڤەرێن ئێزدیان هێنە هەرێما كوردستانێ ڤە. راستی ژی ب هەر شیوەیەكێ هەبیت ئێدی ئێزدی نەشێن دگەل عەرەبان بژین، بتایبەتی ژی پشتی كارەساتا شنگال هەموو كارەساتێن مێژوویێ دا عەرەبان بسەرێ ئێزدیان ئێناینە. ئەڤە دەم هات ئەم ژی بریارا خوە بدەن”.
تُتاح هذه الصورة أيضا في: کوردی