شنگال.. ئەرەب برێيا قایمقامێ نە شەرعی یێ شنگال گەفان ل ئێزدیان دكن
باسنيوز:
ئەندامەكی جڤاتا قەزا شنگال دیاركركو عەرەبێن دەڤەرا شنگال قەستا قایمقامێ نەشەرعی یێ شنگال دكەن و داخواز دكەن ئێزدی هندەك خانیان ڤالا بكەن، ئەڤ گەفێن وان ترسەك مەزن بۆ خەلكێ دروستكریە.
خەیری زیبان، ئەندامێ جڤاتا قەزا شنگال بۆ(باسنیوز) دیار كر: “هەتا چار هزار خێزانان یێن ڤەگەریاینە دەڤەرا شنگال و دەمێ حەشدا شەعبی هاتیە شنگال ئەو خێزان ماینە ل سەر مالێن خوە نەشیان خوە قورتال بكەن. نۆكە ژی عەرەبێن دەڤەرێ برێكا قایمقامی شنگال یێ كو ژلایێ حەشدا شەعبی و پەكەكێ ڤە هاتیە دانان،گەفان ل وان خێزانێن ئێزدی دكەن دەڤەرێ ڤالا بكەن ب بەهانەیا وێ یەكێ كو خێزانێن ئێزدی یێن چووینە ناڤ مالێن عەرەباندا”.
خویا ژی كر: “ترس و خۆفەكا مەزن بۆ خەلكێ شنگال دروست بوویە چونكو ئەو عەرەبێن رۆژا 3/8/2014 خیانەت ل خەلكێ شنگال كرین نۆكە ب پشتەڤانیا حەشدا شەعبی یێ ڤەدگەرنە دەڤەرێ.”
تُتاح هذه الصورة أيضا في: کوردی