وەیسی نایف: بریار ھاتە دان ئيدارا شەرعی یا شنگال ل ناوچهداريا فەیدیێ دەوامێ بکت
باسنيوز:
سەرۆکێ جڤاتا قەزا شنگال، دیارکرکو بریار ھاتە دان ژلایێ جڤات وپارێزگەھا مووسل ڤە ئێدارا شەرعیی یا شنگال و سنۆنێ ل ناحیا فەیدیێ دەست ب دەواما خوە فەرمێ بکەن ھەتا رەوشا شنگال ڤەدگەریت.
وەیسی نایف، سەرۆکێ جڤاتا قەزا شنگال بۆ (باسنیوز) دیارکر: “جڤاتا مووسلێ بریارا دان ئەم ل سنۆری مووسل دەواما خوە بکەن چونکو ئێدارا شنگال یا شەرعیی ب دەنگی وەلاتیان ھاتیە دانان ورێژا 90% خەلکێ شنگال ئاوارانە ل کەمپێن پارێزگەھا دھۆکێ نە ئەڤرۆ 6/12/2017 ئێدارا شنگال و سنۆنێ وھەر سێ جڤاتێن ناحیێن شنگال دەست ب رێڤەبرنا کاروبارێن وەلاتیان کرن”.
خۆیا ژی کر: “ھەتا ئەم ڤەدگەرینە شنگال دێ ناحیا فەیدیێ دەواما خوە کەن بتنی ئێدارا شەرعیی یا شنگال دێ کاروبارێن خەلکێ شنگال رێڤەبەت ھەتا ھەلبژارتن دھێنە کرن ل وێ دەمێ کێ دەنگان دەستڤەبینت دێ ئێداری رێڤەبەت”.
تُتاح هذه الصورة أيضا في: کوردی