ب هەلکەفتا بیرەوەریا 72 سالان ل سەر دامەزراندنا ئێکەتیا ئافرەتێن کوردستانێ، گه‌رمترين و جوانترين پيرۆزباهيان ئاراستەی سکرتێر و تەڤایا ئەندام و لایەنگرێن ڤێ رێکخراوا تێکۆشەر دکەین.

ئێکەتیا ئافرەتێن کوردستانێ ب خەبات و تێکۆشانا خۆ یا دەهان ساڵان، كاريه‌ تێگەهـ و تێڕوانینا ئافرەت و کۆمەڵگەهێ بۆ چەمکێن ماف وئازادی، یەکسانی و دادپەروەری دناڤبەرا ئافرەت و زەڵامی بگهۆڕت و پرسا ئافرەتێ بکەتە پرسەکا جڤاکی و گرێدايی هەردوو ڕەگەزان، لەوا هەر دپێشەنگیا بزووتنەوەیا ئافرەتان دا مایە، ئيرۆ ژی ب شانازیەکا مەزن ڤە رۆلەکێ شایستە د هەموو دام و دەزگەهێن حکومرانیا کوردستانا ئازاد دا دگێڕن.

بێ گۆمان هەردەم ئافرەتا کوردستانی وەکو شەمالەکا گەش دناڤ شۆرەشێن گەلێ خۆ دا فەنەرەما گەش و رۆنک بوویە، ژبۆ ژیانا گەلێ خۆ مامۆستایەکا ژیرمەند وکێم وێنە بوویە و ژبۆ جڤاکێ خۆ دایکەکا دلسۆز و وەفادار بوویە، ديسان ژبۆ نفشێن پاشەرۆژێ سەربۆرەکا سەرکەفتی بوویە.

هیڤیا سەرکەفتنێ ژبۆ کارێ وان دخوازين و دیسان پیرۆزە دامەزراندنا ئێکەتیا ئافرەتێن کوردستانێ و هەر سەرفەرازبن.

ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌ڵايه‌تى/ دهۆك
11/12/2024