رێزدار”شێخ شامۆ”سەرەدانا سەنگەرێن پێشمەرگەى ل محوەرێ رۆژئاڤایێ دیجلە و شنگال كر
تۆرا لالش یا راگەهاندنێ
رێزدار”شێخ شامۆ” ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش،سەرەدانا سەنگەرێن پێشمەرگەی ل محوەرێ رۆژئاڤایێ دیجلەی و شنگالێ كر و ژنێزیك ڤە رەوشا محوەرێن بەرگریێ دژی داگیركەران شوپاند.
ئیرۆ رۆژا ئینیێ 9/2/2018، رێزدار”شێخ شامۆ” ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش دگەل دا”سەیدۆ چەتۆ”ئەندامێ ئەنجوومەنێ پارێزگەها مووسل و “نایف سەیدۆ”رێڤەبەرێ ناوچەداریا سنوونێ و”سلێمان فانۆ”سەرۆكێ بنگەهێ لالش تایێ سنوونێ،سەرەدانا سەنگەرێن پێشمەرگەی ل محوەرێ رۆژئاڤایێ دیجلە و شنگال كرن و ب گەرمی ژلایێ پێشمەرگە و فەرماندارێن هێزا چیایێ شنگالێ یا پێشمەرگێ قارەمان ڤە هاتنە پێشوازیكرن.
دپەیڤەكێ دا بەرێز”شێخ شامۆ”پەسنا رۆلێ پێشمەرگەی ل هەموو قۆناخان كر و دیاركر پێشمەرگە ب هێزترین كارتا پاراستن و سەرکەفتنا کوردستانێ یە و گۆت:” پێشمەرگەیە سەركەفتنێ و پاراستنا كوردستانێ زامن دکە، دیسان دسەرفەرازیا هەموو جڤاكێ ئێزدیە ئیرۆ هێزا چیایێ شنگالێ مل بملێ هەموو هێزێن دی یێن كوردستانێ ل سەنگەرێ پێشیێ بەرەڤانی ژ هەبوون و پاراستنا كوردستانێ دكن بەرامبەری هێزێن داگیركەر”.
ژئالیەکی دی ڤە و پشتی شێخی رەوشا سەنگەران ژنێزیك ڤە شوپاندی،پێشمەرگە و فەرماندێن هێزا چیایێ شنگالێ ئالایێ پیرۆزێ كوردستانێ وەك پیرۆزترین خەلات بۆ ڤێ لێپرسین و سەرەدانێن بەردەوام بۆ سەنگەرێن پێشمەرگێ كوردستانێ ب دیاری پێشكێشی شێخی كرن.
ژبال خۆڤە ژی “شێخ شامۆ” ئەڤ خەلات ب پیرۆزترین و بەهاترین خەلات دا دیاركرن.
تُتاح هذه الصورة أيضا في: کوردی