كچهكا رزگاربوويا ئێزدى بێ سهرووشوون بوویه
باسنيوز:
كچهكا ئێزدى دژیێ 20 سالیێ دا بهرى ههیڤهكێ ژدهستێن تیرۆرستێن داعش ل رهقه رزگار دبیت گههشتنه ناڤ خێزانا خوه ل باجد كهندال قهزا زاخۆ، پشتى بۆ دهمێ چهند رۆژان ناڤ خێزان خوه دا دمینت جارهكا دێ ئهو كچ هاتیه رهڤاندن.
حهجى بهرهكات شهمۆ برایى وێ كچا ئێزدى یا بهرى چهندهكێ باجد كهندال قهزا زاخۆ هاتیه رهڤاندن بۆ (باس) دیار كر:” خوشكا من ب ناڤێ ( كریمه بهرهكات شهمۆ) ب ههڤكاریا خێرخوازان ژ رهقه هاته رزگاركرن و گههشته ناڤ پهكهكێ پشتى بۆ ماوى چهند رۆژان مایه گهل پهكهكێ خوشكا مه گههشته مه لێ رۆژانا دگریا و بارى وێ یێ دهروونى گهلهك تیكچووبوو، ههردهم دایكا من گهل ئاخڤت لێ ئهو زۆر توره دبوو و كونترول ل سهر خوه نهدكر بۆ ماوى چهند رۆژان ما ل مالا گهل مه و ئێڤارهكێ ژمال دهركهڤت و نهزڤرى”.
ئاشكهرا كر:” ئهڤه پتر بوون ژ سێ سالان ئهم چاڤهرى بووین خوشكا مه ژ دهستێ تیرۆرستێن داعش بهێته رزگاركرن و دهمێ رزگار بووى ئهم گهلهك كهیفخوش بووین، لێ مخابن گهلهك ل مالا نه ما و جارهكا دێ خوشكا مه هاتیه رهڤاندن ڤێ جارێ دهمێ هاتیه رهڤاندن مه هزر كر چووبیته دناڤ پهكهكێ دا ل شنگال دێ پهێوهندییهكا تهلهفونى گهل مه ئهنجام دهت لێ چوو تهلهفون نهكرن ههتا ئهڤرۆكه ژى مه چوو پیزانێن ل سهر خوشكا خوه نێنن”.
حهجى بهرهكات زێدهتر گۆت: “دووڤ گوتنا شاتحالان ترۆمبێلهكا ژ جۆرى تهكسى خوشكا مه یا رهڤاندى ئهو كهسێ بۆ جارا ئێكى خوشكا مه ژ دهستێ تیرۆرستێن داعش رزگاركرى كهسهكێ ب رهگهز عهرهب بوویه ههڤكاریا وێ خوشكا مه ژ رهقه هاته رزگاركرن و گههشته پهكهكێ، نوكهژى ئهم گومانى ژى وێ كهسێ عهرهب دبهن وێ خوشكا مه بربیت و جارهكا دێ رهڤاندبیت داكو پارى ژ مه وهربگریت، چونكو وێ كهسێ گهلهك جاران ههولدان كرن ئهم كوژمێ 60 وهرقهیێن دولارى بۆ وێ فرى كهین لێ مه ئهو شیان نهبوون نوكه ژى ههموو دامودهزگههێن ئهمنى یێن هاتینه ئاگههداركرن ل سهر رهڤاندنان خوشكا و داخازى دكهین ههر كهسهكێ پێزانینهك ل سهر ههبیت پولیسان ئاگههدار بكهت”.
تُتاح هذه الصورة أيضا في: کوردی