عەبادی رزگاربوویێن ئێزدی بێ ئۆمێدكرن
باسنيوز:
بەرپرسێ نڤیسێنگەها رزگاركرنا رەڤاندیێن ئێزدی دیاركركو عەبادی ب بریارا داخستنا فرۆكخانێن هەرێما كوردستانێ نەرازیبوونەك توند دناڤ كەس وكارێن رزگاربوویێن ئێزدی دروستكر و ئەو بێ ئومیدكرن.
حوسێن قائێدی، بەرپرسێ نڤیسێنگەها رزگاركرنا رەڤاندیێن ئێزدی بۆ (باسنیوز) دیاركر: “هژمارەكا زۆر یا رزگاربوویێن ئێزدی كاروبارێن خوە رێڤەبرینە بۆ چارەسەری ژ دەرڤەی وەلاتی بتایبەتی ژی ل ئەلمانیا و كەنەدا وئوسترالیا. ئەم چاڤەرێ بوون حكومەتا عێراقی هەڤكاری بكەت بۆ چارەسەركرنا رزگاربوویێن ئێزدی ژ دەرڤەی وەلاتی، لێ عەبادی ب بریارا درێژكرنا داخستنا فرۆكخانێن هەرێما كوردستانێ رزگاربوویێن ئێزدی و كەس وكارێن رزگاربوویان ژی بێ ئومید كرن”.
خویا ژی كر: “پتریا رزگاربوویێن ئێزدی پێدڤی ب چارەسەرێی نە ژ دەرڤەی وەلاتی، پشتی بریارا داخستنا فرۆكخانێن هەرێمێ هاتە درێژكرن نەرازیبوونەكا توند دناڤ كەس وكارێن رزگاربوویێن ئێزدی داد روست بوویە و داخازێ دكەن حكومەتا عێراقی دەستان ژ ڤان بریارێن خوە بەردەت”.
تُتاح هذه الصورة أيضا في: کوردی