بنگه‌هێ لالش: ل عه‌فرینێ گرۆپێن رادیكال زۆرداريێ ل ئێزدیان دكن
باسنيوز:
سه‌رۆكێ ده‌سته‌یا بلندا بنگه‌هێ لالش یێ ره‌وشه‌نبیرى و كومه‌لایه‌تى دیاركركو ئێزدى ل عه‌فرینێ تووشى زۆردارى بووینه ژلایێ گرۆپێن رادیكال یێن توند ره‌و ڤه ئه‌و سیسته‌مێ كاره‌ساتا ل شنگال هاتیه بجه ئینان نوكه ل عه‌فرینى ژى یێ دووباره دبیت.
شێخ شامۆ، سه‌رۆكێ ده‌سته‌یا بلندا بنگه‌هێ لالش یێ ره‌وشه‌نبیرى و كومه‌لایه‌تى، بۆ (باسنیوز)، دیاركر: “ئێزدى ل عه‌فرینى یێن دهێنه كوشتن وده‌ربه‌رده‌ركرن و عه‌ره‌ب دناڤ مالێن ئێزدیاندا دهێنه ئاكنجیكرن پێدڤیه جڤاكێ نێڤده‌وله‌تى و ده‌وله‌تیێن جیهانى دگازیا ئێزدیان بچن ورێ نه‌هێته دان گرۆپێن توند ره‌و كاره‌ساته‌كا دێ وه‌كو یا شنگال ل عه‌فرینێ ژى بسه‌رى ئێزدیان بینن وداخازى ژ حكومه‌تا توركیا ژى دكه‌ین ژیانا ئێزدیان بپارێزن ل عه‌فرینى ئه‌و گرۆپێن سه‌ر وانڤه زۆردارى ئێزدیان نه‌كه‌ن”.
خۆیا ژى كر: “سیسته‌مێ كاره‌ساتا شنگال نوكه یێ عه‌فرینێ دووباره دبیت پاراستنا ژیانا ئێزدیێن بى ده‌ستهه‌لات ل عه‌فرینى ئه‌ركه‌كى مرۆڤایه‌تى یێ جیهانێ یه پێدڤیه سازیێن مافێ مرۆڤى ونه‌ته‌وه‌یێن ئیكگرتى دهاواره خه‌لكێ بچن”.
تُتاح هذه الصورة أيضا في: کوردی