ڤەكۆلەرەكی ئێزدی:22 گۆڕێن بكۆم ل گوندێ كۆچۆ هەنە
تۆرا لالش یا راگەهاندنێ
ڤەكۆلەرەكی ئێزدی ئاشكەراكر كو د كۆمكوژیا گوندێ كۆچۆ دا لسەر دەستێ رێكخراوا تیرۆرستیا داعشێ (1211)كەس یێن بووینە قوربانی و (22)گۆڕێن بكۆم هەنە،ئەڤە پیلانەكا دەرەكی و ناڤخۆیی و داعشی بوو دژی خەلكێ گوندی هاتیە ئەنجام دان.
ڤەكۆلەرێ ئێزدی(داود موراد خەتاری)بۆ رۆژناما دەنگێ لالش راگەهاند،ئەڤە چار سال بسەر كۆمكوژیا گوندێ كۆچۆ لسەر دەستێ رێكخراوا تیرۆرستیا داعشێ دەربازبوون،كو ل(3/8/2014)ێ هەتا (15/8) گوند هاتە دوورپێچكرن و پیلانەكا دارێژتی بوو داعش دانا كو شەریعەتا ئیسلامێ بسەر ڤێ كۆمكوژیا مەزن بجهبینن و خیانەت ل وی خەلكی كرن و گۆتنێ دێ وە بەینە چیایێ شنگالێ پاشی نەبرن و كۆمكوژكرن و(83) ژن دگەل چەند زارۆكان دگۆرەكێ كرن ل سۆلاخ و هەموو كوشتن و گۆت:(( دڤێ كۆمكوژیێ دا (1211)كەس یێن بووینە قوربانی و داعش خەلك د(22)گۆڕێن بكۆم دا گولەباران كرینە و دهەر گۆڕەكی دا ژمارەكا كەسان تێدایە)).
خەتاری گۆتژی ڤێ كۆمكوژیێ تایبەتمەندیا خۆ هەبوو پیلانەكا دەرەكی و ناڤخۆیی و داعشی بوو،دژی خەلكێ گوندێ كۆچۆ هاتە ئەنجام دان.
تُتاح هذه الصورة أيضا في: کوردی