نێچیرڤان بارزانی: حکومەتا هەرێمێ دێ لسەر رزگارکرنا ئێزدیان بەردەوام بت
WAAR-دهۆك:
سەرۆکوەزیرێ هەرێما کوردستانێ سوپاسییا ئەلمانیا بۆ چارەسەرکرنا رزگاربوویێن ئێزدی کر و دوپات کر: حکومەتا هەرێمێ دێ تا دوماهییێ ل سەر رزگارکرنا ئێزدییان بەردەوام بیت.
نێچیرڤان بارزانی، سەرۆکوەزیرێ هەرێما کوردستانێ ئەڤرۆ پێشوازی ل شاندەکا بلند یا ویلایەتا بادن ڤورتمبێرگ یا ئەلمانیا کر و هاریکارییا وان و حکومەتا ئەلمانیا ب گشتی د بوارێن سەربازی، مرۆڤاتی و ب تایبەت د چارەسەرکرنا کچ و کورێن رزگارکری یێن ئێزییان بلند نرخاند و راگەهاند: حکومەتا هەرێما کوردستانێ ژی دێ تا دوماهییێ ب هەموو رەنگان بزاڤێن رزگارکرنا هەموو ئێزدییان کەت.
شاندا ئەلمانی ژی، پەسنا خوەراگرییا کوردستانییان و پێشمەرگەی دا و رووبرووبوونا تیرۆێ و رەوشا سالێن بووری بەرچاڤ وەرگرتن.
هەروەسا ژی ئامادەبوونا خوە نیشان دا، پهیوهندیێن خوە و هەولێرێ خورت بکەت و ل سەر ئاستێ حکومەتا ئەلمانیا ژی د بیاڤێن پەروەردە، فێرکرن، هاریکاریێن مرۆڤی دا پشتگرییا هەرێما کوردستانێ بکەت.
تُتاح هذه الصورة أيضا في: کوردی