مەسرور بارزانی ل دوبەی: مه پێدڤى ب هاريکارییا زێدهتر يا دۆست و جيرانان ههيه بۆ خزمەتکرنا خەلکێ
تۆرا لالش
مەسرور بارزانی، سهرۆكێ حكومهتا ههرێما كوردستانێ تهكهز كر، هەرێما کوردستانێ هەردهم پشكهك بوويه ژ چارەسەریيا کێشەيێن دهڤهرێ. دبێژت “ریفۆرما ئابۆری، کاریگەریيا ئەرێنی ل سەر پێشخستنا هەرێما مه هەبوو.”
ئيرۆ سێ شەمبوويێ، 03ـی شووباتا 2026، د چارچۆڤێ پشكداريكرنێ د گۆپیتکا جیهانیيا حکومەتان دا ل دوبەی، مەسرور بارزانی، سەرۆکێ حکومەتا هەرێما کوردستانێ، د داخۆيانيهكێ دا بۆ رۆژنامەڤان بهحس ل ئارمانجێن پشكداريكرنێ د گۆپيتكێ دا كر، ههڤدهم تهكهزى ل سەر ڕۆلێ کارا يێ هەرێما کوردستانێ وەکو پشكهك ژ چارەسەریيا کێشەيێن دهڤهرێ كر.
سهرۆكێ حكومهتا ههرێما كوردستانێ ڕاگەهاند “ئەڤ گۆپيتكه دەرفەتهكا گرنگە بۆ ئاڵوگۆڕکرنا بیروبۆچۆنان ل گەڵ سەرکردە و بەرپرسێن جیهانێ و دهڤهرێ، ب تایبەت ل سەر ئەوان پێشهاتێن نوو يێن ل رۆژهەلاتا ناڤين دا ڕووددەن.” گۆتژى: “گرنگە هەم ئەو ل نێرينا مه تێبگەهن و هەم ئهم ژى ل نێرينا ئەوان تێبگەهین، چنکو لێکتێگەهشتن کلیلا چارەسەرييانه.”
د بهرسڤا پرسیارهكێ دا سەبارەت ب پەیاما سەرەکی يا هەرێما کوردستانێ بۆ جیهانێ، مەسرور بارزانی دوپاتکر “هەرێما کوردستانێ هەردهم پشكهك بوويه ژ چارەسەرييان، چ ژ ڕوویێ سیاسی، چ ژ ڕوویێ دابینکرنا ئاسایيش و سەقامگیری، هەروەسا د بواری پێشڤهبرنا ئابۆری دا.”
تُتاح هذه الصورة أيضا في: کوردی