فەرماندارەکێ شنگالێ پەکەکێ تاوانبار دکەت
گاڤ نیوز
ئێک ژ فەرماندارێن شنگالێ گرتن و دانا حوکمێ سێدارەدانێ ل سەر 4 گەنجێن ئێزدی ب نەدادپەروەری ناڤ کر و پەکەکە ب وێ تاوانێ سووچدار کر.
ل هەفتیا بووری دادگەها مووسلێ حوکمێ سێدارەدانێ بۆ 4 گەنجێن ئێزدی یێن شنگالێ دەرکریە و ب کوشتنا دو وەلاتیێن ب رەگەز عەرەب تاوانبار کرینە.
قاسم شەشۆ، ئێک ژ فەرماندارێن شنگالێ ئەڤرۆ د پەیامەکێ دا راگەهاند: ئەو 4 گەنجێن ئێزدی یێن ب تاوانا کوشتنا 2 کەسان هاتینە گرتن، تاوانبار نینن، بەلکو پەکەکێ ئەو تاوان کریە و هەر زوی زالگەهەک دانایە و ئەو چار گەنجێن ئێزدی ب وێ تاوانێ گرتینە.
قاسم شەشۆی هەروەسا گۆت: ئارمانجا پەکەکێ تێکدانا شنگالێ یە و ئەگەر پەکەکە دخوازیت خەباتێ بکەت، مەیدانا خەباتا وێ باکۆرێ کوردستانێ یە.
تُتاح هذه الصورة أيضا في: کوردی