سوبه‌هى دێ وەزیرێ دەرڤە یێ ئیرانێ سەرا هەرێما کوردستانێ دەت
گاڤ نیوز – 
بریاره سوبه‌هى وەزیرێ دەرڤە یێ ئیرانێ سەرا هەرێما کوردستانێ بدەت و دهێتە چاڤەڕێکرن ل گەل سەرۆکێ هەرێما کوردستانێ و سەرۆکوەزیران کۆمبیت.
نازم دەباغ، نوینەرێ حکومەتا هەرێما کوردستانێ ل ئیرانێ بۆ گاڤ نیوز گۆت: هەرێما کوردستانێ ل دەڤەرێ گرنگیەکا مەزن هەیە، هەڤدەم نوکە بزاڤەک بۆ تێکدانا پەیوەندیێن ئیران و هەرێمێ هەیە، لەو سەرەدانا وەزیرێ دەرڤە یێ ئیرانێ سەرەدانەكا گرنگە و دێ رێکێ ل وان گریت یێن بزاڤا تێکدانا پەیوەندیێن هەر دو وەلاتان دکەن.
گۆت ژى: وەزیرێ دەرڤە یێ ئیرانێ دێ ل گەل نێچیرڤان بارزانى، سەرۆکێ هەرێما کوردستانێ و مەسروور بارزانى، سەرۆکێ حکومەتا هەرێما کوردستانێ گرنگترین پێشهاتێن دەڤەرێ بەحس کەت.
نوینەرێ حکومەتا هەرێما کوردستانێ ل تەهرانێ ئاشکراکر، پەیوەندیێن هەرێم و ئیرانێ دیرۆکى نە و هەردەم هەرێم د خوازیت ل گەل ئیرانێ جیرانەکا باش بیت.
تُتاح هذه الصورة أيضا في: کوردی