٣٩ ھزار مالباتێن ئاوارە ل کەمپێن ھەرێما کوردستانێ ماینە

٣٩ ھزار مالباتێن ئاوارە ل کەمپێن ھەرێما کوردستانێ ماینە
خانى نيوز:

وەزیرا کۆچ و کۆچبەرێن ئیراقێ راگەھاند، ٣٩ ھزار مالباتێن ئاوارە ل کەمپێن ھەرێما کوردستانێ د ئاکنجی نە، ژ نها ھەتا مه‌ها خزیرانا ئەڤسالە ئه‌و چ ھاریکارییان پێشکێشی ئاواران ناکەت.
ئیڤان فایق جابرۆ، وەزیرا کۆچ و کۆچبەرێن ئیراقێ راگەھاند، بودجەیا وەزارەتا کۆچ و کۆچبەران ژ ٢٢٥ ملیار دیناران بۆ ٨٩ ملیار دیناران ھاتینە کێمکرن، ژبەر وێ یه‌كێ وەزارەت ژ نها و ھەتا مه‌ها خزیرانێ چ ھاریکارییەکێ پێشکێشی ئاواران ناکەت، ژ خوارن، پێشینا ١.٥ ملیون دیناران، پارێ ڤەگۆھاستنێ و نە کارەب و نە ئاڤ، ژبه‌ركو بودجەیا وەزارەتێ دێ ب داوى ھێت.
ئیڤان فایق راگەھاند ژى، ٢٦ که‌مپێن ئاواران ل ھەرێما کوردستانێ ماینە و ٣٩ ھزار مالباتێن ئاوارە تێدا د ئاکنجی نە، ١٦ ژ وان کەمپان ل پارێزگەھا دھۆکێ نە و ٢٩ ھزار ئاوارەیێن ئێزدی یێن باژێرێ شنگالێ تێدا د ئاکنجی نە، بتنێ ٦٠٠ مالباتێن ئاوارە ل کەمپا عامرییە فەلووجە ل پارێزگەھا ئەنبار ماینە، ھەروەسا ھزار مالباتێن ئاوارە ل کەمپا جەدعە ل پارێزگەھا نەینەوا ماینە، بزاڤ ژی د بەردەوامن بۆ ڤەگەراندنا وان بۆ جھێن وان، بتنێ ٢٠% ژ وان ئاوارەیان ژ ئەگەرێ ئاریشەیێن ئێمناھیێ ڤەنەگەریانە جھێن خوە.
نها ٢٨ که‌مپێن ئاواران ل ئیراقێ و ھەرێما کوردستانێ ھەنە و ٤٠٠ ھزار مالباتێن ئاوارە ڤەگەریانەڤە و ١ ملیون و ٥٠٠ ھزار دینارا وه‌كو پێشینه‌ وه‌رگرتینه‌.

تُتاح هذه الصورة أيضا في: کوردی