مهحما خهليل:ئاڤهدانيا شنگالێ پێتڤی ب 10 ملیار دۆلارانە
پڕسا دووبارە ئاڤاکرنا شنگالێ نها بووییە پڕسەکە جیهانێ، چەندین وەڵات دانووستاندنا ل سەر دکەن و ئەمریکا ژی ل سەر هێلێیە، و دخوازن شنگال بهێتە ئاڤەدان کرن، بەلێ ئالی و گرۆپێن ناڤا شنگالێ بووینە سەدەم شنگال نەهێتە ئاڤاکرن و حکومەتا عیراقێ ژی ئەڤە چەندین ساڵە نەشیاییە ئەڤێ پرسێ ئێکلاکەت.
پشتی حکومەتا عیراقێ راگەهاندی، کو ئەوان ٢٨ ملیار دینار تەرخانکرن بۆ شنگالێ ئەڤێ یەکێ ژی کارڤەدانێن جودا جودا بدووڤ خۆڤە هێلان، دەڤەردارێ شنگالێ ژی دبێژیت، ئەڤ کوژمێ پارەی هاتییە تەرخانکرن نە ب قەبارێ خرابی و وێرانکارییا شنگالێیە.
مەحما خەلیل بۆ ماڵپەرێ فەرمیێ پارتی دیموکراتی کوردستان ددەتە دیارکرن، قەبارێ وێرانکارییا شنگالێ گەلەک مەزنترە ژ وی پارێ حکومەتا عیراقێ تەرخانکری، بەلکوو پێدڤی ب ١٠ ملیار دۆلارانە، و بتنێ ناحیا سنوونێ ٥ هەزار و ناحیا گرعزێر ١٢ هەزار و ناحیا قەیرەوان ٧ هەزار و سەنتەرێ قەزایێ ٦ هەزار خانی هاتینە ژناڤبرن.
ئەو یەکە ژی گۆت:” ژێرخانا باژارێ شنگالێ ٨٠٪ هاتیە ژناڤبرن و کاڤلکرن، و جادەیێن شنگالێ ٧٠ هەیا ٧٥٪ هاتینە ژناڤبرن، زێدەتر ٢٦ هەزار خێزان دناڤا کەمپان دا ژیانێ ب سەر دبەن، و ١٠ هەزار خێزان ژ دەرڤەیی کەمپان.
گوتژی، لیژنەییەک بۆ ئاڤاکرنا شنگالێ هاتیە پێکئینان جهێ مخابنیێ یە چو کەسێن ئیدارەییا شنگالێ دناڤ ڤێ لیژنێ دا نینن و ئەڤ کوژمێ پارەیی دەلیڤێن کاری بۆ شنگالییان پەیدا ناکەت.
سەرۆکایەتییا هەرێمێ و حکومەتا هەرێما کوردستانێ چەندین پرۆژە بۆ شنگالێ هەبوون ژوانا ژی پاریزگەهبوونا شنگالێ و ڤەگەراندنا ئارامی و ئەولەهیێ بۆ شنگالێ بەلێ گرۆپ و میلیشیایێن ڤەدەر ژ یاسایێ دناڤ شنگالی دانە و ناخوازن شنگال بهێتە ئاڤەدانکرن.
بەریا چەند ڕۆژان ماسیۆ تۆلەر بالیۆزێ ئەمریکا ل عیراقێ ل گەل میر و بابەشێخ جڤیا، ل گۆرەیی زانیاریێن تایبەت ب دەست ماڵپەڕێ فەرمیێ پارتی کەفتین، ئەمریکا ل گەل جێبەجێکرنا ڕێککەفتنا شنگالێیە یا کو دناڤبەرا حکومەتا هەرێمی و حکومەتا عیراقێ دا هاتیە ئیمزاکرن و دخوازیت شنگال دووبارە بهێتە ئاڤاکرن و ئەڤ پرسە ل گەل وان دانووستاندن کرینە، و ئەمریکا باش دزانیت ئەو گرۆپ و ئالییە بووینە سەدەم کو خەلک نەڤەگەڕیتە سەر جهـ و وارێن خۆ.
سەرەرایی هەبوونا چەندین هێز و گرۆپان ل ناڤ شنگالێ بەلێ هەتا نها زۆربەییا هەرە زۆرا خەلکێ شنگالێ ژیانا کەمپان هەلبژارتینە و ناخوازن ڤەگەڕنە ناڤ شنگالێ، ئەڤێ یەکێ ژی بووییە سەدەم ئەو باژار نەهێتە ئاڤاکرن.
چەندین جارانە ئەمریکا پشتەڤانی و دووپاتیا خۆ بۆ ئێزدییان و جڤاکا ئێزدی و تاڤاهییا ئۆل و ئیتینکان دیاردکەت ژبۆ ئازادیا ئۆلی و خۆشگۆزەرانییا ناڤچەیێن پێکهاتەییان.
تُتاح هذه الصورة أيضا في: کوردی