بنگه‌هێ لالش چل رۆژيا نڤيسه‌ر و ڤه‌كۆله‌ر (پير خدر سلێمان)ساخكر
تۆار لالش/دهۆك
ده‌سته‌يا بلندا بنگه‌هێ لالش يێ ره‌وشه‌نبيرى و جڤاكى ل دهۆكێ ،چل رۆژيا نڤيسه‌ر و ڤه‌كۆله‌ر پير خدر سلێمان ب چه‌ندين چالاكيان ساخكر.
ئيرۆ 24 ى كانوونا ئێكێ ل بنگه‌هێ لالش ل دهۆكێ ب ئاماده‌بوونا رێزدار” شێخ شامۆ” شێوه‌رمه‌ندێ سه‌رۆكێ حكومه‌تا هه‌رێما كوردستانێ بۆ كاروبارێن ئێزديان و سه‌رۆكێ بنگه‌هێ لالش و مالبات و كه‌سوكار و ره‌وشه‌نبير و هه‌ڤال و دۆستێن خودێ ژێ رازى،چل رۆژيا نڤيسه‌ر و ڤه‌كۆله‌ر پير خدر سلێمان ب چه‌ندين چالاكيان هاته ساخكرن.
ل پێشيێ وه‌ك رێزگرتن بۆ گيانێ خودێ ژێ رازى ئاماده‌بوويى خۆله‌كه‌كێ سه‌كنين،لدووڤدا به‌رێز “شێخ شامۆ” په‌يڤه‌ك پێشكێشكر و تێدا سه‌ره‌خۆشى ل مالبات و كه‌سوكارێن خودێ ژێ رازى كر و تيشك ئێخسته سه‌ر كار و خه‌بات و رۆل و تێكۆشينا پير خدر سلێمان.
دپه‌نه‌له‌كێ دى دا كورته فلمه‌ك لسه‌ر ژيانا خودێ ژێ رازى پير خدر سلێمان هاته نمايشكرن،پاشى پارچه هۆزانه‌ك ژلايێ مامۆستا سه‌عيد جردۆ ڤه لسه‌ر گيانێ خودێ ژێ رازى هاته پێشكێشكرن.
ل پێرا به‌رێز سه‌ديق باسى كو دبته هه‌ڤالێ خودێ ژێ رازى به‌حس ل ژيان و كار و خزمه‌تا پير خدر كر.
تُتاح هذه الصورة أيضا في: کوردی