بنگەهێ لالش تايێ باعەدرێ سمینارەك ل دۆر(ڕۆلێ ئێزدیێن گوندێن بەربنی د شۆڕەشا ئەیلولێ دا) گێڕا
تۆرا لالش:
ب هەلکەفتا شۆڕەشا ئەیلولا مەزنا گەلێ کورد،ئيرۆ 13ى ئهيلولا 2023،بنگەهێ لالش تایێ باعەدرێ ب هەڤکاری دگەل لیژنا ناوچا باعەدرێ سمینارەك سازکر ل دۆر( ڕۆلێ ئێزدیان د شۆڕەشا ئەیلولێ دا گوندێن بەر بنی وەک نموونە) بۆ بەڕێز “ڤیان شێخ میرزا” کارگێڕی لقا 20 ل هۆلا باعەدرێ یا بیرەوەریا گێڕا.
ڕێورەسمێن سمینارێ ب ئامادەبوونا بەڕێز “سهعيد جردۆ” سەرۆکێ دەستەیا بلندا بنگەهێ لالش و بەرپرسێ لیژنا ناوچا باعەدرێ بەڕێز “نجيم ئلياس” و بنەمالێن مالێن میرا و ژمارەکا پێشمەرگەهێن ئەیلولێ و کەسایەتیێن دیارێن جڤاکی ل باعەدرێ و ئێسیا و دێدەڤانێ و خورکی و گوندێن بەربنی و دەڤەرێ و ڕەوشەنبیر و ڕیهسپی و موختار و مامۆستا و لاو و ئافرەت و تەخێن جودا جودا هاتنه گێڕان.
پشتی چەندەکێ ڕاوستیان وەك رێزگرتن بۆ گیانێ شەهیدێن بزاڤا ڕزگاريخوازا کوردی سەرکێشێ وان بارزانیێ نەمر، ڕێورەسمێن ڤێ هێڤاریا بالکێش ب ڕێڤەچوون.
ل دەستێکێ بهرێز خهلات باعەدری بەرپرسێ بنگەهێ لالش تایێ باعەدرێ بخێرهاتنا تەڤایا ئامادەبوویان کر کو ڤێ هێڤارێ حازربووین.
ل دووڤدا سمیناربێژی ڕۆناهی ئێخستە سەر تێگەهێ شۆڕهشێ و جۆرێن شۆڕەشا و ئەگەر و پالدەرێن پەربابوونا شۆڕەشا ئەیلولێ پشتی شۆڕەشا 14ی تیرمەهێ ل عێراقێ و ڕۆلێ سەرکردایەتی کوردی پێخەمەت بدەستڤەئینانا مافێن گەلێ کورد ب گشتی.
د تەوهرەکێ دیتردا فۆکس کشاندە ل سەر باندۆرا ئێزدیان نەخاسمە ئێزدیێن گوندێن بەربنی د بهێزکرنا شۆڕەشێ و درێژکرنا دەستێن هاریکاریێ، هەروەسا چەند نموونە و سەرپێهاتین کەسانێن ئێزدی یێن خەلکێ دڤەرا بەربنی و جيێن دیتر ئینان زمان دموکمکرنا شۆڕەشێ دا،زێدەباری چەندین گۆتن و پێزانینێن نوو و خالێن سەرهنجڕاکێش کو بابەتێ ڤێ هێڤاریێ پتر ب ڕەوش و دەولەمەنترکر.
ل داویێ ژی دان و ستاندنەکا گەرم و گوڕ و ژلایێ ئامادەبوویان ڤە ل دۆر بابەتی هاتە کرن و ژلایێ كۆرگێرى ڤه رۆنکرن و بەرسڤ ل سەر هاتنە دان.
ب ڤی ئاوایی هێڤاریەکا بالکێش ژ هێڤاریێن بزاڤ و چالاکییێن یێن بنگەهێ لالش تایێ باعەدرێ ب داویی هات.
تُتاح هذه الصورة أيضا في: کوردی