نڤیسینگەها لالش مەهەتێ 25 یاریزانێن دێرین خەلات دكهت
تۆڕا لالش:
نڤیسینگەها لالش مەهەتێ ب هەماههنگی دگەل ناڤەندا پێگەهاندنا لاوێن دیمۆکراتا کوردستانێ 25 یاریزانێن دێرین خەلاتکرن.
ل ڕۆژا سێ شەمبوويێ12/3/2024ێ،ل هۆلا لالش مەهەتێ و ب ئامادهبوونا “صالح حیدر” بەرپرسێ لقێ 20 يێ پارتى و خانم “خهولا شلی” کارگێرا لقێ و بەرپرسا ڕێکخراوێن جەماوەری و پیشەی و “صادق علو” بەرپرسێ لیژنا شێخان و “لقمان محمد” بەرپرسێ ناڤەندا بالا ومقدم “بهشار” و ههژمارەکا کادر و ئەندامێن هەر سێ ڕێکخراوێن پارتی ل کۆمەلگەها مەهەتێ دگەل كهسايهتى و ڕهوشهنبير و مامۆستايان بیرەوەريێن ئادار و نهورۆزێ هاتن ساخکرن .
ل دهستپێكێ “مەهدی حەسەن” بهرپرسێ نڤیسینگەها لالش مهههتێ بخێرهاتنا ئامادهبوويان كر و دپهيڤهكێ دا هەیڤا ئادار و نەورۆزێ ب هەیڤا کوردا دازانین کو چەندین بیرهاتنێن خۆش و نەخۆش تێدا هەنە.
ل پێرا خانم خهولا شلی،کارگێرا لقێ 20 پەیڤەک پێشکێشکر ل سەر ڕەوشا هەرێما کوردستانێ و ئەو دژایەتیا ل حکومەتا فیدرال دئێتە کرن دەرهەقێ گەلی کورد و کوردستانێ،ههروهسا بەحس ل بەرخودان و خۆراگریا گەلێ کوردستانێ کر.
دیسا لقمان محهمهد،بەرپرسێ ناڤەندا لاوان پەیڤەک خووند و تێدا سوپاسیا نڤیسینگەها لالش کر و بەحسێ گرنگیا وەرزشێ و لاوان کر،پاشان ل سەر داخازا ئامادەبوویان بەرپرسێ لقێ 20 صالح حيدر پەیڤەکا پڕ بەها خووند ل سەر هەلکەفتێن ئادار و نەورۆزێ.
ههر ئێك ژ بەرپرسێ لقێ و خانم خهولا و هەڤالێن لیژنێ و نڤیسینگەها لالش،ديارى بسهر 25 یاریزانێن دێرین دا بهلاڤكرن و هاتنه خەلاتکرن.
تُتاح هذه الصورة أيضا في: کوردی