ل باعەدرێ کەلوپەلێن فلکلۆری يێن باب و کالان د ڤیستهڤاڵەکێ دا هاتنه نيشاندان
تۆڕا لالش:
ل ژێر چاڤدێڕیا ڕێڤەبەرێ ناحیا باعەدرێ و ل ژێر ناڤ و نیشانێن (جلوبەرگێن مە ژ ناسناما ڕەسەنیاتیا مەیە)،دوهى ڕۆژا ئێك شهمبوويێ 11ى ئادارا 2024ێ،بنگەهێ لالش تایێ باعەدرێ ب هەماهەنگی دگەل کارگێریا ئامادەیا باعەدرێ و ئێکەتییا قوتابیێن کوردستانێ/باعەدرێ ڕابوون ب گێڕانا ڤیستهڤاڵەکا فلکلۆری.
ب ئامادەبوونا “رێزان ميرزا بەگ” ڕێڤەبەرێ ناحیا باعەدرێ و “ههڤال صالح نهرمو” کارگێڕێ لقا 20 یا( PDK) و بەرپرسێ لیژنا ناوچا باعەدرێ “نجيم ئلياس” و بەرپرسێ بنگەهێ لالش تايێ باعهدرێ “خهلات باعەدری” و چەندین بەرپرس و ڕێڤەبەر و نوونەرێن دام و دەزگەهێن حکومی و حزبی و جەماوەری ل شێخان و باعەدرێ و مامۆستا و قوتابیێن ئامادەیى،ڕێورەسمێن ڤیستهڤاڵێ ب ڕێڤەچوون.
د ڤیستەڤالێ دا چەندین کەلوپەلێن فلکلۆری ژ سەردەمێن باب و کالان هاتنە نمایشکرن،کو ڕەنگڤەدانا کەتوارەکی پڕی زەحمەت پێخەمەت پەیداکرن و ب ڕێڤەبرنا ژیانێ ژلایێ بەرپرسێ بنگەهێ لالش ڤه هاتنە شلۆڤەکرن و ڕۆنکرن.
دیسان د هەمبێزا ڤێ خرڤەبوونا جوان دا چەندەک ژ دیمەنێن کارێ کابانیێن مالان مینا خوارنێن فلکلۆری و کەلوپەلێن ب کارێ ژنان ڤە مینا (کیانا مەشکێ، دستار، هری رستن، دەخل ودانێ ل بێژینکێ،….. هتد) هاتنە پيشاندان ژلایێ ههژمارەکا قوتابیێن کوڕ و کچان ڤە.
د برگهيهكا ديتر دا کەڤالەکێ هۆنەری ژ دیلان و شاهیێ هاتە پێشکێشکرن ب ڕێيا چەند قوتابیان وەکو ڕوویەکێ دی ژ ژیانا کەڤن یا باب و کالان د کەش و هەوایەکی دا،کو بۆ چەندەکێ تەڤایا ئامادەبوویان تەڤلی دیمەنێن کەڤنێن بابکالکان بوون.
ل داویێ ژی چەند سترانێن کۆچک و دیوانان ژلایێ تیما موزیکێ یا قوتابخانێ ڤه هاتنە گۆتن د سەقایەکێ جوان و کەڤنار دا.
تُتاح هذه الصورة أيضا في: کوردی