بنگههێ لالش پرۆژهيهكى بۆ ڕزگاربوويێن ژ دەستێ داعش بهرههڤ دكهت
تۆڕا لالش/دهۆك
دهستهيا بلندا بنگههێ لالش يێ ڕهوشهنبيرى و كۆمهڵايهتى ل دهۆكێ ،پرۆژهيهكێ دروستكرنا سەنتەرهكێ چارەسەريا دەروونی و دووبارە ڕاهێنانا ڕزگاربوويێن ژ دەستێ داعش بهرههڤ دكهت.
ل بنگههێ لالش ل دهۆكێ،ئيرۆ 28ى ئادارا 2024ێ،ب ئامادهبوونا چهند كهسێن پسپۆر و تايبهتمهند دڤى بياڤى دا كۆمبوونهكا تايبهت ل دۆر پرۆژهيێ دروستكرنا سەنتەرهكێ چارەسەريا دەروونی و دووبارە ڕاهێنانا ڕزگاربوويێن ژ دەستێ داعش هاته ئهنجامدان.
پرۆژه ب سهرپهرشتيا بنگههێ لالش دئێته ئهنجامدان و يێ تايبهت بت ب ئاليێ دهروونى و كۆمهڵايهتى و بته هاندهرهك پتر خزمهتا ڕزگاربوويان بێته كرن ژ ههموو كنارێن ژيانێ ڤه.
پسپۆر و كهسانێن تايبهتمهند پرۆژە ب چهندين هزر و پێشنیازێن خۆ پتر دەوڵەمەندكر.
بۆ زانين پشتى ل ڕۆژا 3/8/2014ێ ڕێكخراوا داعش يا تيرۆرستى بسهر خهلكێ شنگالێ دا گرتى،ژ ئهنجامێ وێ هێرشا هۆڤانه 6417كهسێن ئێزدى ژلايێ تيرۆرستان ڤه هاتنه گرتن و ههتا نۆكه 3574 گرتيێن ئێزدى ژ دهستێ داعشێ هاتينه ڕزگاركرن و2642 كهس ماينه هێشتا نههاتينه ڕزگاركرن.
تُتاح هذه الصورة أيضا في: کوردی