تۆرا لالش
بنگههێ لالش یێ ڕهوشهنبیری و كۆمهلایهتی ل دهۆكێ، د چارچۆڤێ بهردهوامیدان ب سازدانا مژار و چالاكیێن ڕهوشهنبیری دا، ئێڤاریا ئیرۆ پێنجشهمبێ ڕێكهفتی 16ـی تیرمهها 2026ـێ ل دهمژمێر 5:00ی ئێڤاری، دانوستاندنهكا ڤهكری بۆ نڤیسهرێ ب ڕوومهت (حهجی جهعفهر) ڕێكخست.
ئهڤ ڕوونشتنه ب ئامادهبوونا هژمارهكا بهرچاڤ ژ ئهكادیمی، كهسایهتی و ڕهوشهنبیران هاته برێڤهبرن، تهوهرێ سهرهكی یێ روونشتنێ ل ژێرناڤونیشانێ هندهك رهوشت وتیتال و باوهریێت ئێزدیان ل رۆمانا (ل ئهسمانێ ههنێ هنهك رووبارێت ئاڤێ ههنه) یا ئهلیف شافاك بوو.
ل بهراهيێ نڤيسهرى ب تێر و تهسهڵى بهحسێ بابهتى كر و گۆت:
نڤیسهری بهحس ل دیرۆكا مۆركرنێ دناڤ ئێزدییان و ئاینێن دهوربهردا كر، دگهل چاوانییا مۆركرنا زارۆكان ل جهم ئێزدییان.
ههروهسا ئاماژه ب پیرۆزییا رهنگێ سپی ل جهم ئێزدییان كر، كو جلكێن سپی ل بهر خۆ دكهن و د دیتنا وان دا ئهو جلكێن بههشتێ نه، دگهل رۆنكرنا دیرۆكا سونهتكرنێ و چاوانییا وێ دناڤ جڤاكێ ئێزدییان دا وهك نمونه.
د تهوهرهكێ دی یێ روونشتنێ دا، نڤیسهری رۆناهی خسته سهر پیرۆزییا ژمارێن (سێ، ههفت و چل) دناڤ ئاینێ ئێزدییان دا.
پاشان، ئاماژه ب پیرۆزییا رۆژا چارشهمبێ دناڤ ئێزدییان دا كر، كو باوهری وهسایه تاوسی مهلهك د ڤێ رۆژێ دا ژ دایكبوویه و جهژنا سهرسالا ئێزدییان ژی دكهڤته د ڤێ رۆژێ دا، و ههروهسا ئێزدی د ڤێ رۆژێ دا خێر و چاكان دكهن.
ل داویێ ژی، دهرگههێ دانوستاندنێ بۆ ئامادهبوویان هاته ڤهكرن، ئامادهبوویان ب پێشكێشكرنا ڕا و بۆچوون و پرسیارێن خۆ بابەت دهولهمهندتر كرن، و نڤیسهری ژی بهرسڤا تهمامیا پرسیار و تێبینیێن وان دان.
تێ زانین بنگههێ لالش ل ڕۆژێن پێنجشهمبووییان روونشتنێن ڤهكری ل دۆر مژارێن جودا جودا یێن گرێدای ب ڕهوشا ئێزدیان و بزاڤا ڕهوشهنبیری ڤه ساز دكهت.
تُتاح هذه الصورة أيضا في: کوردی