ژیانا كێمینەیان ل ئەلمانیا دمەترسیێ دایە
دەنگێ لالش،سالار فائز
پشتی گرۆپێن ئیسلامی یێن توندرەو ل 
چەند كەمپێن پەنابەران ل ئەلمانیا هێرشی پەنابەرێن ئێزدی كرین،ترس كەفتیە سەر ژیانا كێمینا،ئێزدیێن ئەلمانیا دخوازن كەمپێن تایبەت بۆ كێمینا بێنە چێكرن و پۆلیس پتر هایداری رەوشا كێمینەیابن و بێنە پاراستن.
پەنابەرێ ئێزدی(خالد بیبۆ) ئەو كەسێ هاتیە برینداركرن ل كەمپەكا بیلیفیلد دبێژت: گرۆپێن ئیسلامی یێن پەنابەرێن شیشانی و ئەفغانی و سوری وەكی داعشێ هێرشی مەكر ،پۆلیس نكارن پاراستنا هەموو كێمینا بكن،هندەك جارا ئەم ئێزدی ئێك و دوو دپارێزین ل ژۆرێت ئێك،باشترە پۆلیس نێنە زێدەكرن،بەلكو كەمپێن تایبەت بۆ كێمینا بێنە چێكرن.
بەرپرسێ راگەهاندنا بنگەهێ لالش ل ئەلمانیا(هەژار مودیر) دیاركر،ئەم وەك بنگەهێ لالش ل ئەلمانیا مە بریار دایە ل گەل دام و دەزگەهێ گرێدایی ب پەنابەران ڤە كۆمبین،نڤیسینەكا فەرمی دێ دەینە وان داكو پتر پاراستنا كێمینا بێتەكرن و ئەڤ روودانە جارەكا دی دووبارە نەبن،یان ئەگەر دووبارەبوونەڤە پێتڤیە كەمپێن تایبەت بۆ وان بێنە چێكرن.
شارەزایێ ئاینێ ئێزدیان (عەدنان خێراڤایی) خویاكر،مە دڤێت ئاریشە ب رێیا یاسایێ چارەسەربت و مە بریاردایە نڤیسینەكا تایبەت فرێكەین بۆ جهێن پەیوەندیدار ل ئەلمانیا، مە خۆپیشاندانەك ژی كر بۆ پاراستنا كێمینا.
ئەندامێ گروپێ بۆچۆنا جڤاكا ئێزدیا(دلشاد كۆپۆ) دیاركر،پێكڤەژیان ل ئێك كەمپێ زۆر زەحمەتە هەر ئێزدیەك پەنابەرێن شیشانی و ئەفغانی ببینت دەروونێ وان تێك دچت،ئەوان ژی ترس ئێخستیە سەر ژیانا كێمینا و دبێژنە چ مەسیحی یان ئێزدی بن دێ سەرێ وە برین،ڤێجا باشترە هەر نۆكە كەمپێن تایبەت بۆ پەنابەرێن كێمینا بێنە دروستكرن،پێتڤی ناكت هەتا دووبارە بت.
تُتاح هذه الصورة أيضا في: کوردی