نادیا،ژنەك یەزدانی دسەردەمەك ئەهریمەنی دە!
سەكار كامل ئۆصمان
شێرە ژنەك ژ ئۆلا مەلەك تاووس ، قەی توو د فكری ئەڤ ژن فریشتەیا هەشتەمینە وسا ب
باوەر و وجوودەكا یەزدانی پاراستنێ ژ قركرنا ئەزداهییان و تاوانێن رەگەزی دژی وان دكەت ، ب بەژن و تدارەكا شۆخ وەكە چیایێ شنگالێ بەر ب كۆچە و كۆلانێن مصر و ئەوروپایێ داكەفتە خەبات و لەباتێ ئوو كەدا خۆ دەستپێكر ، پشتی كارەساتا شنگالێ ل 3 ی مەها 8 ل سالا 2014 ــان دە ، هۆڤێن بیابان و ئەهلێ قەتل و كزب و نیفاقێ ، ب سەر شنگالێ دە گرتی ب شێوەكی درندانە و دوور ژ گشت بنەمایێن مرۆڤاتیێ تاوانێن كوشتن ، وێرانكرن ، تالانكرن و رەگەزی ل دژی خەلكێ بێ گونەهـێ ئێزدیێن شنگالێ ئەنجام دان ، ئوو نێزیكی دووهەزار كەس كوشتن و گۆرێن ب كۆم ژێرە كرن مال و سەفەرەك ئەبەدی و ب هەزاران ئختیار و كەچ و ژن و گەنج دیل كرن ل بەر چاڤێن هەفت ملیار كەسان، نادیا ژی ئێك ژ وان كچێن ئێزدی یە كو ب شێوەك هۆڤانە كەتبوو دەستێ تیرۆرستێن هۆڤــ ، لێ پشتی نادیا ژ دەستێ وان رزگاربووی و هەناسەك نوو هەلكێشایی ژ ژیانێ ،ئەڤ شەنگە ژن وەك چیایێ شێخ شەرفەددینی دوور ژ دەستێن گەمارێن دێوێن بیابانێ خۆراگر ما، نهۆ كاندیدە بۆ خەلاتێ نۆبلێ ئەڤ خەلات بۆ وان كەسایە خزمەتا مرۆڤایەتیێ دكەن د وارێن زانستی ، ئەدەبی و ئاشتیێ دا.
نادیا وەك بالیۆزا ئاشتیێ خزمەتا كارەساتا ئێزدیا یا ل شنگالێ قەومی دكەت،فەرە هەر كەس پشتەڤان و ئالیكار بت داكو خەلاتێ نۆبلێ ب دەست بخت هەروەكوو هەموو كچ و ژنێن رزگاربوویی وەرگرتی ژبەر نادیا نوونەرا گشتان دكەت دڤی واری دا.
پێویستە گشت جڤاكا ناڤدەولەتی و سازیێن بانگەشا مافێن مرۆڤی دكەن و سازیێن حكوومی و سڤیل د هندور و دەرڤەیی كوردستان و ئەوروپایێ كەدا نادیایێ بلند حساب بكەن و ببن پشتەڤانێن سەر سەخت بۆ ڤێ ژنا ب وجوود ئەزداهی، ژبەركو سەركەتنا نادیایێ گەفێن ئیجەیێ دێ بەزینت و ئامانجێن تیرۆرستان ژ ناڤ بەت فەرە ئەم گشت پشتەڤان و ئالیكارێن راستەقینە بین و ناكرێت پشتا خۆ بدەینێ.
بلا نادیایێ بكەین هەلبەستەك نایان و سترانەك سەرمەدی د سەردەمەك ئەهریمەنی دە ،بلا ببت سرودا سەردەڤێ زارۆكان و مەقاما دیوانێن ئختیاران، بلا زەمین ل بن لنگێن وێ بلەرزت و بكەفت هەیەجانێ،نادیا گڤاندەیا یەكەمینە ژ تخووبێ جینۆسایدێ و رێزا ئێكێ یە ژ دەفتەرا جینۆسایدەكا راستەقینە،ژبەر هندێ نادیا ژنەك یەزدانی یە دچاخەك ئەهریمەنی دە.
ل دوماهیێ ئەز دبێژمە نادیایێ : گەردوونێ بهەژینە و خودێ پێویستی ب دەنگێ تە هەیە ل عەرشێ وی بكە لەرز ئوووو ب لەرزینە ئەرێ كەچا نوورانیێ ب لەرزینە.
تُتاح هذه الصورة أيضا في: کوردی
