كۆچبەری كارەساتەكا 
دی یە
سەلام سەبری
بەری هەزارەها سالا چەندین كارەسات ونەمان ب سەرێ مللەتێ مە ئێزدیان دا هاتینە وهەزارەهان ئێزدی هاتینە كوشتن و بریندار ودەربەدەر بووینە وزولم زۆرداری لێ بوویە،هەتا ئیرۆ مللەتێ ئێزدی ل بەر كارەسات و فەرمانا گرتینە و هەردەم ئۆل و ئیمان و ئەركانێ خۆ پاراستینە.
بۆ زانین جیهان هەموو دزانن مللەتێ مە كوردە ویەك ژكەڤنترین مللەتایە ل سەر روویێ ئەردی و لسەر ئۆلا خۆ ماینە،هەردیسا یەك ژوان كارەساتێ ڤی سەردەمی كارەساتا (داعش)بوو ب سەر مللەتێ مە دا ئینایی یەك ژ كارەساتێن مەزن بوو ئەوژی یەك ژ وان پلانا بوو مللەتێ مە ژناڤ ببەن و ل دونیایێ وندا بكن،هەلبەت مە خۆ لبەر وێ كارەساتێ ژی گرت و ئۆلا خۆ پاراست ،بەلێ دبینم حكوومەتا ناڤەندی بێ دەنگ بوویە بەرامبەر كارەساتا شنگالێ وتنێ دبینم حكوومەتا هەرێمێ ل دەڤەرا شنگال بوویە خودان وهاریكاری پێشكێشی ئاوارەیێن شنگالێ كرینە،نۆكە پسیارا من ئەوە بۆچی كارەساتەكا دی پەیدا بوو یا كۆچبەریێ ؟ڤێ جارێ كارەساتەكا دی بۆ مە پەیدابوو ل ڤی سەردەمی ئەوژی چۆنا خەلكێ مە بۆ دەرڤەی وەلاتی ب كۆم و وەلاتێ خو ب ج دهێلن و گەلەك ژوان خودان كارێن باشن و گەلەك خودان هزر و بیرو باوەرن و باوەرنامە نە و كارێ خۆ دهێلن و دبینم پتریا وان ژبەر ترس و قەیرانا دارایی بوویە،هەردیسا زاڤ چۆنا خەلكێ مە یێ چووین وەك چاڤ ل هەڤكرن وەسا ل خەلكێ هات یێن میی ژی بچن ،رۆژانا ل سەرێ كولان وجادا وێ هزرێ دكن مادام هەر چۆن بەردەوامە كەس نەما ما ئەم دێ لڤر چ كن، گەلەك هزر ل پاشەرۆژا خۆ و زارۆكێن خۆ دكن و هزر دكن كو وەك بەرێ نازڤرت خۆشی و ژ ڤان فەرمانا تێر بوون.
ئەڤجا یا گرنگ ئەوە دبینم وەلاتێ مە كوردستانە وارێ پێكڤەژیانێ یە بۆ هەموو نەتەوا و كوردستان جهێ ئێمناهیێ یە،دڤێت خەلكێ مە خۆ راگرت ژبەر ڤان قەیرانا و بەرێ خۆ ب یەك جاری نەدن وەلاتێ بیانی،چنكو هاتیە گۆتن هەر دێ ئێتە گۆتن (شام شەكرە بەلێ وەلات شرینترە )بەری چەندین هەیڤان خەلكێ مە گەلەك ژ مال و ملكێ خۆ فرۆتن و ئەرد و خانی و چۆن ڤێ داویی ئەو تشت سەكنی ،بەلێ پشتی چووپ و چەندین رێكێن دی یێ ب ئاڤێ چێبووین و چەند رێكێ دی دیسا دەست پێكرن،دبینم ژی هەر كەس ژیانا خۆدا یێ ئازادە چاوا بۆ خۆ بكت ،بەلێ نە بڤی رەنگێ ئیرۆ ژی ب كۆم دچن و یا فەرە تشتەك بۆ ڤی خەلكی بێتە كرن ونۆكە گەلەك كەسێ ئێزدی دئاڤێ دا دخەندقن و ب تایبەت د دەریایێ ئیجە دا دناڤبەر توركیا و یونان دا،پێتڤیە خەم ل خەندقبوونا كوردێن ئێزدی بێتە كرن و هەموو جیهان ب ڤێ چەندێ رابن ،داكو بەس ب كوشتن و ئاڤێ هەرن و كو باوەریەكێ بۆ وان پەیدا بكن، داكو خەلكێ مەژی ب ئێكجاری نەچن،هەروەسا یا گرنگ ئەوە نۆكە ئاوارە هەست ب باوەریێ بكن دا ڤەگەرن سەر مال و ملكێ خۆ.
تُتاح هذه الصورة أيضا في: کوردی
