تۆرا لالـش
ب هەلکەفتا بیرەوەرییا 12 ساليا جینۆسایدا ئێزدیان ل شنگالێ، بنگەهێ لالش تایێ شاریا ب هەڤکاری دگەل گرۆپێ ئەزدا و رێکخراوا ئێمە و رێکخراوا فەریدا ئهڤ بیرەوەری یه ل بیرئانین.
ل دەستپێکێ ئامادهبووی خۆلەکەکێ ژبۆ وان جانگۆریێن بووینە قوربانیێن جینۆسایدا ئێزدیان و شەهیدێن کورد و کوردستانێ سهكنین.
پاشان پەیڤەک هاتە پێشکێشکرن ژ لایێ بەرپرسێ بنگەهێ لالش تایێ شاریا دلگەش سەلیم ڤە، کو تێدا ب تیرۆتەسەلی بەحس ل روودانێن فرمانا ٢٠١٤ کر و کارتێکرنەکا مەزن ل سەر جڤاکا ئێزدی کر، هەر دیسان بێدەنگیا حکومەتا عيراقێ بەرامبەر کەیسا ئێزدیان ژی بهحسكر.
دووڤدا پەیڤەک هاتە پێشکێشکرن ژ لایێ بەرپرسێ گرۆپێ ئەزدا ڤە، ل دۆر ڕۆڵێ هونەر و بەڵگەنامەیان د گهۆڕینا ئازارێن مە بۆ دیمەنێن جیهانی.
دیسان رۆنکرنەک ژ لایێ مۆزیکژەن و نڤیسەر رضوان بەرجەس ل دۆر پەرتووکا “ژ مە برن” بەرهەمێ وی یێ نوو هاتە پێشکێشکرن.
برگەک ژی ڤێخستنا مۆمان بوو کو ژ لایێ ئامادەبوویان هاتن ڤێخستن وەک وەفاداری بۆ گیانێ قوربانیان.
پێشکێشکرنا داستانا موزیکی ب هەڤالینیا ڤیدیۆ کلیپەکا تایبەت ژ لایێ گتۆپێ ئەزدا ڤە.
ڤەکرنا پێشانگەها تابلۆیان كو تێدا دەربرین ژ ئێش و ئازارێن جێنۆسایدا ئێزدیان دکرن هاتنه پێشاندان، دیسان دگەل ئیمزاکرنا پەرتووکا (ژ مە برن) یا نڤیسەر رضوان بەرجەس ب سەر ئامادەبوویان ڤه هاتە بەلاڤەکرن.
ب رێڤەبرنا پەنەلی ژ لایێ راگەهاندکار (جەمیلا حازم).
تُتاح هذه الصورة أيضا في: کوردی