تۆرا لالـش
ئیرۆ رۆژا چارشهمبێ 29/7/2026ێ، ژ بۆ بهێزكرنا پهیوهندیێن كارگێری د ناڤبهرا دامودهزگههێن دهڤهرێ دا، وهفدهكی بنگههێ لالش تایێ شێخان ب سهرپهرشتییا ئازاد موراد بهرپرسێ وی تایی، زنجیرهیهكا سهرهدانان ل قهزا شێخان ئهنجام دان.
د سهرهدانا ئێکێ دا، وهفدی سهرهدانا (فهرهاد میكائیل) ڕێڤهبهرێ نوو یێ پهروهردا قهزا شێخان كر.
د سهرهدانا دوێ دا، وهفدی سهرهدانا (حهنیف داود سليمان) بهرپرسا نوو یا ئێكهتیا ئافرهتێن كوردستانێ تایێ شێخان كر.
د ڤان سهرهدانان دا، وهفدێ بنگههێ لالش تایێ شێخان پیرۆزباهیێن گهرم ب ههلكهفتا وهرگرتنا پوستێن وان یێن نوو لێ كرن و هیڤییا سهركهڤتنێ د ئهرك و خزمهتا وان دا ژ وان ڕه خواست.
د سهرهدانا سێیێ دا، وهفدێ ناڤبری سهرهدانا بارهگههێ لقا (20) يا پارتی دیموكراتی كوردستان – بهشێ جهماوهری كر و مهرهم ژ ڤێ سهرهدانێ ژی ب هێزكرنا پهیوهندیان و ب هێزكرنا ههڤكاریا ههڤپشك بوو د ناڤبهرا ههردوو ئالییان دا ژ پێناڤی خزمهتكرنا بهرژهوهندیا گشتی ل دهڤهرێ.
تێ زانین جودا جودا ههموو ئالییان ب گهرمی پێشوازی ل شاندێ بنگههێ لالش تایێ شێخان كرن و سوپاسیا ڤێ پێنگاڤێن وان كرن، و تهئكید ل سهر بهردهوامیا ههڤكاری و ههماههنگیێ كرن.
