تۆرا لالش /هه‌ولێر
ئیرۆ رۆژا چارشه‌مبێ ل رێكه‌فتى ٢٨ى چریا ئێكێ یا ٢٠٢٦ـێ، شانده‌كی بنگه‌هێ لالش ب سه‌رپه‌رشتییا «سه‌عید جردۆ» سه‌رۆكێ بنگه‌هى و ژماره‌یه‌كا ئه‌ندامێن ده‌سته‌كا بلند، سه‌ره‌دانا ١٨یه‌مین پێشانگه‌ها نێڤده‌ولى یا په‌رتووكان دا ل باژێرێ هه‌ولێرێ كر.
ئه‌ڤ پێشانگه‌هه ل ١٨ـی ڤێ مه‌هێ هۆلا پێشانگه‌ها نێڤده‌ولى یا هه‌ولێرێ هاتبوو ڤه‌كرن و بڕیاره هه‌تا رۆژا ٣١ى ڤێ مه‌هێ یا به‌رده‌وام بت، ده‌رگەهێن پێشانگه‌هێ رۆژانه ژ ده‌مژمێر ١٠:٠٠ى سپێدێ هه‌تا ٨:٠٠ى شه‌ڤ به‌رامبه‌رى خوه‌نده‌ڤانان د ڤه‌كرینه.
د پێشانگه‌هێ دا، پتر ژ ٤٠٠ ده‌زگه‌هێن چاپ و به‌لاڤكرنێ ژ ١٨ وه‌لاتێن جیاواز د پشكدارن، و پتر ژ ئێک ملیۆن ناڤونیشانێن په‌رتووكان ب زمانێن كوردى، عه‌ره‌بى، ئینگلیزى و چه‌ندین زمانێن دى هاتینه نیشاندان، هه‌ڤده‌م پتر ژ ٩٠ چالاكیێن جۆراوجۆر یێن وه‌كى كۆڕێن هزری، روونشتنێن ئه‌ده‌بى و دیدارێن نڤیسه‌ران د هێنە سازكرن.
بریاربوو ل هه‌یڤا نیسانا یا ڤێ سالێ هاتبه ڤه‌كرن لێ ژبه‌ر شه‌ر و ئالۆزیێن ده‌ڤه‌رێ و راوه‌ستيانا هێڵێن ئاسمانی، نه‌هاته كرن
له‌وما هاته پاشئێخستن بۆ نهۆ، هه‌روه‌سا وه‌كى ده‌رفه‌ته‌ك بۆ خوه‌نده‌ڤان ده‌زگه‌هێن پشكدار داشكاندنا ٥٠٪ بۆ پتریا په‌رتووك و به‌لاڤۆكێن خوه ڕاگه‌هاندینه.
تُتاح هذه الصورة أيضا في: کوردی