تۆرا لالش
ب ههلكهفتا سالڤهگهرا 128ێ یا ڕۆژنامهگهرییا كوردی و دهركهفتنا ئێكهمێن رۆژناما كوردی ب ناڤێ كوردستان ل رێكهفتی 22/4/2026 بنگههێ لالش پهیامهكا پیرۆزباهیێ بهلاڤدكهت.
دهقێ پهیامێ:
ب ههلكهفتا 128 سالیا دهركهفتنا ئێكهمین ڕۆژنامهیا كوردی ب ناڤێ (كوردستان) و ڕۆژا ڕۆژنامهگهریا كوردی، گهرمترین پیرۆزباهیان ئاراستهی تهڤایا ڕۆژنامهڤان و ڕهوشهنبیر و میدیاكارێن كوردستانێ ب گشتی و دهڤهرێ ب تایبهتی دكهین.
ڕۆژنامهگهریا كوردی د دیرۆكا مه دا ههردهم وهك سهنگهرهكێ گرنگ یێ بهرگریێ و پاراستنا ناسنامهیا نهتهوهیی و كولتووری بوویه و خزمهتا ههموو پێكهاتان ل كوردستانێ كرییه و بوویه دهنگ و رهنگێ ههموویان.
ڕۆژنامهڤانێن مه د دژوارترین قۆناغان ڕا كارینه ب پێنووس و هزرا خۆ ببنه دهنگێ ڕاستهقینه یێ گهلێ مه.
ئێزدییان وهك پشكهكا ڕهسهن، ڕۆلهكێ دیار د ناڤ ڕاگههاندنا كوردی دا ههبوویه و كارینه كهلتوور، فلكلۆر و ڕێوڕهسمێن ئۆلی یێن وهك جهژن و ههلكهفتان د ڕاگههاندنا كوردی دا نیشان بدهن و دهنگ و ڕهنگێ خوه بگههیننه جیهانێ.
ئهم وهك بنگههێ لالش، ڤێ بیروهرییێ بلند د نرخینن و رێزێ ل ماندیبوون و ئهركێ پیرۆز یێ ڕۆژنامهڤانان دگرین، كو ههردهم د خزمهتا هوشیاركرنا جڤاكی و گهشهپێدانی دا بووینه.
بنگههێ لالش یێ ڕهوشهنبێری و كۆمهڵایهتی
22/4/2026
تُتاح هذه الصورة أيضا في: کوردی