تۆرا لالـش
بنگههێ لالش ل دهۆكێ د پهيامهكێ دا پيرۆزباهييێ ل بهربژارێن سهركهڤتييێن ئێزدی د ههلبژارتنێن جڤاتێن باژێرڤانییان ل ئهلمانیا دكهت و ڕاگههاند، گرنگه كار بۆ مافێن ئێزدييان بكهن.
د پهیاما بنگههێ لالش ل دهۆكێ دا هاتوييه: گهرمترین و جوانترین پیرۆزباهییان ئاراستەی سهركهڤتییان و تەڤایا جڤاكێ ئێزدی ل ناڤخۆ و دهرڤه دكهین.
دهقێ پهياما بنگههێ لالش دا هاتییە،
ب ههلكهفتا سهركهڤتنا ديرۆكى و پڕ دهستكهڤتا بهربژارێن ئێزدی د ههلبژارتنێن جڤاتێن باژێرڤانییان ل ئهلمانیا، گهرمترین و جوانترین پیرۆزباهییان ڕابهرى سهركهڤتییان و تەڤایا جڤاكێ ئێزدی ل ناڤخۆ و دهرڤه دكهین.
سەرکەفتنا وە دهەلبژارتنێن باژێرڤانیيان دا ل باژێرێن جودايێن ئەلمانیا ب ڤێ رێژەیا بلندا دەنگان و بوونه ئەندامێن باژێرڤانييێن باژارێن خۆ، جهێ شانازی و سەربلندیا مە هەموویانە، ئەڤ سەرکەڤتنە بەلگەیەکا ڕۆنە ل سەر شیان و ژێهاتییا گەنجێن ئێزدیيان ل دەرڤەی وەلاتى کو دکارن د بوارێن كارگێرى و سیاسی یێن وەلاتێن ئەورۆپی دا جهێ دەستێ خۆ دیار بکهن و خزمەتا جڤاکێ خۆ بکەن.
هەبوونا کچ و خۆرتێن نەڤشێ نوو یێن ئێزدييان د دام و دەزگەهـ و باژێرڤانى و پارتێن سیاسی یێن ئەلمانیا و تەڤاهیيا ئەورۆپا دا، پێنگاڤەکا سەرکەڤتی یە و قۆناغەکا نوو یە بۆ پێشەڕۆژەکا گەش.
ئەم دخوازین بهربژارێن سهركهڤتی ژبلی ئهركێن خۆ یێن کارگێڕی و خزمەتکرنا جڤاکێ ئەلمانی، هەردەم چاڤێن وان ل سهر كهیسا ڕەوا، مافێن سیاسی، مەدەنی و یاسایی یێن ئێزدیيان بت، و ببنە پر دناڤبهرا ئهلمانیا و دەنگێ ئێزدییان و ئهورۆپا دا، هەروەسا هیڤیدارین ئەڤ پێنگاڤە ببتە پالدەرەک داکو زێدەتر مفایی ژ شارەزایی و شیانێن کادرێن مە یێن ئەکادیمی و گەنجان بێتە وەرگرتن.
دووباره سهركهفتنا بهربژارێن ئێزدی پیرۆزبت
بنگههێ لالش یێ رهوشهنبیری و كۆمهلایهتی
15ـی ئهیلولا 2026
تُتاح هذه الصورة أيضا في: کوردی