فلمێ(چیایێ ئاسێ) هێشتا نەهاتیە بەلاڤكرن
تۆرا لالش یا راگەهاندنێ
بەرپرسێ تیپا گرعزێر یا هۆنەرێ شانۆیێ ل شنگالێ راگەهاند:”فلمێ(چیایێ ئاسێ) ئێك ژ مەزنترین بەرهەمێن هۆنەری یێ تیپێ بوو ل سالا 2016ێ ،كو نۆكە دقۆناغا وەرگێرانێ دایە بۆ چەندین زمانان و هێشتا دیار نینە كەنگێ دێ ئێتە بەلاڤكرن،هەروەسا مە لبەرە ل رۆژا جیهانی یا شانۆیێ ئەم شانۆیەكێ نمایشكەین”.
سالم حسێن،بۆ رۆژناما دەنگێ لالش گۆت:”پشتی كارەساتا چیایێ شنگالێ كو ب هەزاران خەلكێ مە كۆچبەر و ئاوارەیی هەرێما كوردستانێ بوون،تیپا گرعزێر وەك ئەرك زانی و رابوو ب بەرهەڤكرنا چەندین فلم و كورتە فلمان وشانۆگەرییان ل سەر رەوشا خەلكێ مە و كارەساتێ،دیسان مە لبەرە ل رۆژا جیهانی یا شانۆیێ ئەم شانۆیەكێ نمایشكەین،هەروەسا ل سالا 2016ێ ئێك ژ مەزنترین بەرهەمێن هۆنەری یێ تیپێ فلمێ (چیایێ ئاسێ) بوو ژبەر كارێ ڤی فلمی پرۆفیشناڵ بوو ژ كامیرا و ئالاڤێن وێنەگرتنێ و نێزیكی 140ئەكتەرا تێدا بەشداربوون هێشتا نەهاتیە بەلاڤكرن،بتنێ ئێك جارێ هاتە پەخشكرن ل هۆلا لالش ل شاریا”.
تُتاح هذه الصورة أيضا في: کوردی