داخوازیا خه‌لكى ل سه‌ر جلكێن فلكلۆرى یه
تۆڕا لالش یا راگه‌هاندنێ/ناسر شهوانى
عامر خدر باجو،خه‌لكێ ده‌ڤه‌را شنگالێ یه،دیزاینه‌رێ جلكێن كوردى یه،د دیداره‌كێ دا بۆ رۆژناما ده‌نگێ لالش دیاركر،ده‌مه‌كه ئه‌ڤ حه‌زا كارى من هه‌ى، پشتى نه‌بوونا ده‌لیڤه‌یا دامه‌زراندنێ ل كه‌رتێ حكومى بریار دا كارێ دروارێ بكه‌م و نۆكه داخوازیا خه‌لكى بتر ل سه‌ر جلكێن فلكلۆرى یه.
زێده‌تر گۆت:ب مه‌ره‌ما فێركرن و په‌یدابوونا شاره‌زایێ د كارى دا بۆ ماوێ سێ هه‌یڤان پشكدارى خۆله‌كا دروارا جلوبه‌رگان بووم پاشى من كاركر، ل ده‌ستپێكێ حه‌ز و ئاره‌زوویا من ل سه‌ر ڤى كارى نه‌بوو لێ ژبه‌ر نه‌بوونا دامه‌زراندنێ ل كه‌رتێ حكومى و دژواریا ژیارا ژیانێ یا دناڤ كه‌مپان دا من خۆ فێرێ ڤى كارى كریه،ل سه‌ر چاوانیا بازارى ژى ل ده‌ستپێكێ كارێ مه گه‌له‌ك یێ باش و سه‌ركه‌فتى بوو، داخوازیا خه‌لكى گه‌له‌ك لسه‌ر چێكرنا جلكان هه‌بوو ب تایبه‌تى جلكێن فلكلۆرى ل ده‌مێن جه‌ژن و هه‌لكه‌فت و ئاهه‌نگێن ئۆلى.
دا زانین ژى پشتى زێده‌بوونا دیاردا كۆچكرنا گه‌نجان بۆ ده‌رڤه‌ى وه‌لاتى كارێ مه كێم و لاواز بوویه و ڤێ چه‌ندێ كارتێكرنه‌كا مه‌زن ل كارێ من یێ رۆژانه كریه، چنكو كارێ مه ب شێوه‌یه‌كێ گشتى بتر ب چێكرنا جلكێن گه‌نجان ڤه یێ گرێدایه.
س.س
تُتاح هذه الصورة أيضا في: کوردی
