فلمێ ئەزموون بوو بەربژێرێ ئیراقێ یێ ئۆسکارا 2023ێ
گاڤ نیوز- دهۆک
“فلمێ ئەزموون” یێ دەرهێنەر “شەوکەت ئەمین کورکى” هاتە بەربژێرکرن کو ب نوینەراتییا کۆمارا ئیراقێ پشکداریێ د پێشبرکێیا ئۆسکارا 2023ێ دا ل پشکا فلمێن بیانی بکەت.
فلمێ ئەزموون، بەرهەمێ حکومەتا هەرێما کوردستانێ و وەلاتێ ئەلمانیایە.
ئەزموون، فلمەکێ جڤاکییە بەحسێ کۆمەکا دیاردەیێن جڤاکى دکەت، ژ ئەوان دیاردەیان ژى، ئاریشەیێن گرێدایی پەروەردەیێ و ئاستەنگێن ل بەرامبەرى ژنان ل هەرێما کوردستانێ پەیدا دبن.
هەتا نوکە ل سەر ئاستێ جیهانێ چەندین خەلاتێن ناڤدەولەتى وەرگرتینە، وەکو “خەلاتێ ڕەخنەگرێن ناڤدەولەتى ل فەستیڤالا کار لۆڤى ڤارى ل وەلاتێ چیکێ، خەلاتێ باشترین سیناریۆ ل فەستیڤالا تیران ل وەلاتێ ئەلبانیایێ، خەلاتێ باشترین فلم ل فەستیڤالا ڤیکتۆریا ل کەنەدایێ، خەلاتێ باشترین فلم ل فەستیڤالا سانتاباربارا ل وەلاتێ ئەمریکایێ و خەلاتێ UNDPA ل فەستیڤالا قاهیرەیێ، خەلاتێ ژووریێ ل فەستیڤالا مۆنس ل بەلژیکایێ و خەلاتێ باشترین فلم ل فەستیڤالا لەندەنێ”.
بۆ جارا دوویێ یە وەلاتێ عیراقێ فلمێن دەرهێنەر “شەوکەت ئەمین کورکى” بۆ خەلاتێ ئۆسکارێ بەربژێر دکەت. ل سالا 2015ێ ژى فلمێ دەرهێنەرى “بیرەوەرییێن سەر بەرى” بۆ ئۆسکارێ هاتبوو بەربژێرکرن.
س.س
تُتاح هذه الصورة أيضا في: کوردی
