پەرلەمانتارەکێ مووسل: داعشێ چەند تاخەک ل موسلێ ڤالا کرینە
ئێن ئارتى
پەرلەمانتارەکێ پارێزگەها نەینەوا ڕاگەهاند، پڕانیا سەرکردێن داعشێ دگەل خێزانێن خۆ بەرەف باژێرێ ڕەقەیا سوریا ڕەڤینە و چەکدارێن وێ رێکخراوێ چەند تاخەکێن ئەوی باژاری ڤالا کرینە.
نایف ئەلشەمەری ئەندامێ جڤاتا نوونەرانا عێراقێ ل سەر پارێزگەها نەینەوا ڕاگەهاند “پڕانیا سەرکردێن داعشێ دگەل مالباتێن خۆ بەرەف باژێرێ رەقەیا سوریا دڕەڤن”.
ئەلشەمەری ئەو چەند ژی گۆت “چەکدارێن داعشێ ژبەر کێمیا هژمارا وانا ل چەند تاخەکێن باژێرێ موسل وەکی تاخێن ئەلوەحدە و سۆمەر، ڤەکشیاینە”.
ناڤبری پێشبینیکریە، پرۆسەیەکا بەرفرەهـ بۆ ئازادکرنا گوندێن دەردۆرا موسل و بنگەهێن گەیارە دەست پێ بکەت بۆ هندێ ببنە بنگەهێن دەستپێکرنا ئۆپەراسیۆنا کونترۆلکرنا باژێرێ موسل.
ژ ١٠ێ حوزەیرانا ٢٠١٤ێ ڤە باژارێ موسل کو دوویەم مەزنترین باژارێ عێراقێ یە کەفتە بن دەستهەڵاتا چەکدارێن داعشێ و ژ ئەنجامێ جیبجیکرنا سیاسەتێن خۆ د وی باژاری دا ڕاستی ئاریشێن ئەمنی و مرۆڤی یێن مەزن بووینە و هێرشێن ئەسمانیێن هەڤپەیمانان ژی بۆ سەر بنگەهـ و بارەگەهێن داعشێ د وی باژاری دا ڕەوشا ئەوی باژاری خرابتر کریە.
تُتاح هذه الصورة أيضا في: کوردی