تۆرا لالـش
ل ڕۆژا ئێکشەمبووێ، ٢٠ی ئەیلولا ٢٠٢٦، شاندەکێ بنگەھێ لالش یێ ڕەوشەنبیری و کۆمەڵایەتی ب سەرپەرشتییا سەرۆکێ بنگەهی و ئەندامێن دەستەکا بلند، ئامادهبوون ل کۆنفرانسێ زانستیێ سەدسالیا گۆڤارا «زارێ کورمانجی و ڕۆڵێ حوسێن حوزنی موکریانی ل بزاڤا ڕۆژنامەگەرییا کوردی دا»، كو ل هۆتێلا ڕادیسۆن بلو ل چیایێ کۆڕەک یێ گەشتیاری ب ڕێڤهدچت.
ئەڤ کۆنفرانسە ژ ئالیێ زانکۆیا سۆران و ب پاڵپشتییا نڤیسینگەها سەرۆکێ حکومەتا هەرێما کوردستانێ ڕێزدار مهسرور بارزانی و ب سپۆنسەرییا میدیایی یا تۆڕا میدیایی یا کوردستان هاتیە ڕێکخستن.
ل ڕۆژا دووێ یا چالاکیێن کۆنفرانسی، شاندێ بنگەھێ لالش کۆمەکا وەشانێن بنگەهی دگەل چەند ژمارەیێن گۆڤارا «لالش» پێشکێشی سەرۆکێ زانکۆیا سۆران کرن و ژ ئالیێ خۆ ڤە د.شێروان شەریف دەستخۆشی ل بنگەھێ لالش کر و هیڤی خواست کو ئەڤ بەشدارییە ببتە دەلیڤەیەک بۆ خورتکرنا پەیوەندیێن زانستی و کەلتووری د ناڤەندا بنگەھێ لالش و زانکۆیا سۆران دا.
ل پەراوێزا کۆنفرانسی دا، شاندێ بنگەھێ لالش دیدار دگەل چەندین کەسایەتیێن دیارێن ئەکادیمی و کەلتووری ئەنجام دان، ژ وان: د. خانزاد سەرۆکا ئەنجومەنا بلندا خانمان، د. کوردستان موکریانی، د. محمد خدر مولود، و شنۆ خانا کچا تێکۆشەرێ کورد محەمەدێ حەجی مەحموود.
بەرنامەیێ کۆنفرانسی چەندین چالاکیێن جۆراوجۆر ل خوه گرتن، ژ وانژی پێشکێشکرنا پانۆڕامایا حوزنی موکریانی، بەرهەمێن موزیک و سترانان و خەباتا حوسێن حوزنی موکریانی، و سێ پانێلێن زانستی ژ ئالیێ ڤهكۆلهران ڤە دەربارەی ڕۆڵێ مێژوویی یێ گۆڤارا «زارێ کورمانجی» و گەشەپێدانا ڕۆژنامەگەرییا کوردی.
تُتاح هذه الصورة أيضا في: کوردی