نڤیسینگەها لالش ل مەهەتێ رێورەسمەکا رێزلێنانێ بۆ مامۆستایێن خانەنیشینکری سازکر
نۆرا لالش – كۆمهلگهها مهههتێ
د چارچۆڤێ بزاڤ و چالاکیێن خۆ یێن بەردەوام دا، نڤیسینگەها لالش ل کۆمەلگەها مەهەتێ، ئیرۆ پێنجشەمووبیێ رێکەفتی (١٩ی ئادارا ٢٠٢٦)، مامۆستایێن کۆمەلگەهێ یێن کو ئەڤ ساله هاتینە خانەنیشینکرن خهلاتكرن.
ل دەستپێکا رێورەسمێ، ب ئامادەبوونا بەرپرس و کەسایەتیێن دەڤەرێ، خولەکەکا بێدەنگی بۆ رێزگرتن ل گیانێ پاکێ شەهیدێن کورد و کوردستانێ و ل سەروەرێ وان “بارزانیێ نەمر” و “کاک ئدریسێ جوانەمەرگ” هاتە راوەستاندن.
د پشکەکا دی یا رێورەسمێ دا، رێزدار مەهدی حەسەن، سەرۆکێ نڤیسینگەها لالش، ب هەڤالینیا مامۆستا سیتۆ جکۆ و دکتۆر عەلی نیزام، ئەندامێن نڤیسینگەهێ، بخێرهاتنا مێڤانان کر.
د پەیڤەکێ دا، سەرۆکێ نڤیسینگەهێ تیشک هاڤێته سەر رۆلێ پیرۆز و بلندێ مامۆستایان د ئاڤاکرنا نەوەیێن پاشەڕۆژێ دا.
هەروەسا ئاماژە ب گرنگیا هەیڤا ئادارێ و جەژنێن نەورۆزێ دا کو وەک هەیڤا کوردا و هەلگرا چەندین بیرهاتنێن خوەش و نەخوەش دهێتە نیاسین.
ئەڤ رێورەسمە ب ئامادەبوونا هەریەک ل (ههڤال صالح نرمۆ و کاک سەفەر ئافریفی) کارگێرێن لقێ، دگەل (خەلف ئەلیاس) نونەرێ دەستەیا بلندا بنگههێ لالش – دهۆک، و بەرپرسێن رێکخراوێن کۆمەلگەها مەهەتێ (حازم هادی، حازم شاکر و جۆنی تمۆ) برێڤە چوو.
ل دوماهیا رێورەسمێ، خەلاتێن رێزلێنانێ ب سەر (١٨) مامۆستایێن خانەنیشینکێری هاتنە دابەشکرن.
ژ لایێ خۆ ڤە، مامۆستایێن خەلاتکری ژی سوپاسیا نڤیسینگەها لالش کر بۆ ڤێ دەسپێشخەریێ و دیارکرن کو ئەڤ جۆرە چالاکیە نیشانا وێ چەندێ نە کو نڤیسینگەهـ ب چاڤەکێ رێزگرتنێ تەماشەی هەموو تەخ و چینێن جڤاکی، ب تایبەت کەرتێ پەروەردێ دکەت.
تُتاح هذه الصورة أيضا في: کوردی