وهكيلێ ميرێ ئێزديان :مه گۆمان ههيه ئێزدى د ناڤ كهمپا جدعه دا ههبن
گاڤ نیوز :
وەکیلێ میرێ ئێزدیان داخواز ژ حکومەتا ئیراقێ کر ب زووترین رێ ب وان بدهت بچنە د ناڤ کەمپا جدعە دا و پرسا کچ و ژنێن ئێزدیان بکەن.
سەد خێزانێن رێکخستنا تیرۆرستیا داعشێ ژ کەمپا ھۆلێ کو د کەڤیتە رۆژئاڤایێ کوردستانێ و ب ھزاران ژنێن چەکدارێن داعشێ د ناڤ وێ کەمپێ دا دژین و ئێزدی ژی د ناڤ دا ھەنە و ل کەمپا جدعە ل سنۆرێ پارێزگەھا مووسلێ ھاتینە بجھـ کرن.
جەھوەر عەلی بەگ، وەکیلێ میرێ ئێزدیان بۆ گاڤ نیوز گۆت: وان داخواز ژ حکومەتا ئیراقێ کریە ب زویترین دەم رێ بدهت ئهو بچنه د ناڤ کەمپا جدعە دا ل سنۆرێ پارێزگەھا مووسلێ و وان گومان ھەیە، كو کچ و ژنێن ئێزدی د ناڤ وان دا ھەبن و دوپاتکر، ئەو نەوێرن ژ ترسا داعش و ژنێن ناڤا کەمپێ خۆ دیار بکەن.
نەجم جبووری، پارێزگارێ مووسلێ پێشتر بۆ گاڤ نیوز گۆت: ئەو ب چ رەنگان ل گەل ئینانا داعشان بۆ سنۆرێ پارێزگەھا مووسلێ نینن و دێ مەترسیەکا دی بۆ سەر پارێزگەھا مووسلێ و ئیراقێ ب گشتی ژی دروست کەن.
ل دۆر ڤێ یەکێ عەلی بەگى ئاشکراکر، ئینانا داعشییان بۆ سنۆرێ ئیراقێ مەترسیەکا مەزنە و دێ ئەنجامێن خراب ل دویڤ خۆ ھێلیت و دوپاتکر، ئەو دێ ل سەر داخوازا خۆ یا دیارکرنا کچ و ژنێن ئێزدی ل ناڤا کەمپا جدعە بەردەوام بن.
تُتاح هذه الصورة أيضا في: کوردی