نێچیرڤان بارزانی: ده‌رگه‌هێن پارتی بۆ چارهكرنا كێشه‌یان ڤه‌كرینه
وار
سه‌رۆكێ حكومه‌تا هه‌رێما كوردستانێ، نێچیرڤان بارزانی وه‌كو جێگرێ سه‌رۆكێ پارتی دیمۆكراتا كوردستانێ، ب هه‌لكه‌فتا حه‌فتێ سالییا دامه‌زراندنا پارتی په‌یامه‌ك به‌لاڤكر.
د په‌یاما بارزانی دا، ئه‌و یه‌ك هاتییه كو پارتی هه‌رده‌م پشكه‌كه‌ك بوویه ژ چارهكرنا كێشه‌یان و نابیته ئه‌گه‌رێ مه‌زنكرنا كێشه و ناكۆكیان، ژبه‌ر ڤێ ئێكێ ژی پارتی دێ هه‌موو ده‌رگه‌هان بۆ لهه‌ڤگه‌هشتن و چارهكرنا كێشه‌یان و خوه ئاماده‌كرن بۆ قوناغا بهێت ڤه‌كری هێلیت.
نێچیرڤان بارزانی د په‌یاما خوه دا دیاركرییه، كو پارتی دیمۆكراتی كوردستان به‌ری حه‌فتێ سالان وه‌كو پێدڤییه‌كا واقعی، سیاسی و جڤاكییا وی سه‌رده‌می هاته دامه‌زراندن و پترییا وان ئارمانجێن پارتی بۆ هاتییه دامه‌زراندن ژی پشتی حه‌فتێ سالان هاتینه بجهئینان.
بارزانی ئه‌و یه‌ك ژی دا زانین، چاوا د سه‌رده‌مێن سه‌خت و تاری دا پارتی ته‌سلیم نه‌وبوو و ب ئومێده‌كا نوو ته‌ماشه‌ی پاشه‌رۆژێ دكر، نها ژی ب هێڤییێن مه‌زنتر ته‌ماشه‌ی پاشه‌رۆژێ دكه‌ت.
تُتاح هذه الصورة أيضا في: کوردی