پهيڤدارێ ههڤپەیمانيا نێڤ دەولەتی: هێزێن پێشمەرگەى و عێراق دبەردەوامن ل پێشڤهچوونان ل ئۆپەراسیۆنا مووسل دا
خەندان
وتەبێژی هاوپەیمانی نێودەوڵەتی رایگەیاند، هێزە ئەمنییەكانی عیراق و هێزەكانی پێشمەرگەی كوردستان بەردەوامن لە پێشڕەوی و پاككردنەوەی ناوچەكانی ژێر كۆنترۆڵی داعش لەنزیك موسڵ.
كۆلۆنێڵ جۆن دۆریان، وتەبێژی هاوپەیمانێتی نێودەوڵەتی بە سەرۆكایەتی ئەمریكا لەدژی داعش ئەمڕۆ لەچەند تویتێكدا ڕایگەیاند:” گورزە ئاسمانییەكانی هاوپەیمانان لەسەرەتای دەستپێكردنی ئۆپەراسیۆنی موسڵەوە لە 17ی تشرینی یەكەمدا 46 تونێلی داعشیان وێران كردووە، بەوەش هەڕەشەی ئەو تاكتیكەی دوژمن كەمتركراوەتەوە.
وتیشی:” بنكەی ئاسمانی رۆژئاوای گەیارە كرایەوەو یەكەمین فرۆكە رۆژی 21 تشرینی یەكەم نیشتەوە . ئێستا فرۆكەكانی هاوپەیمان و هێزە ئەمنییەكانی عیراق دەتوانن بە خێرایی لەوێ سوتەمەنی و پێداویستی پێویست وەربگرنەوە.”
دۆریان رونیكردەوە، هاوپەیمانی نێودەوڵەتی بەردەوامە لە هەڵسەنگاندنی مەترسییەكان بۆ سەر هێزەكان لە كامپی سویفت و بنكەی ئاسمانی رۆژئاوای گەیارە بەهۆی سوتاندنی بیرە نەوتییەكان و دوكەڵی كارگەی غازی خەردەلەوە.”
لەلایەكی دیكەوە ئەمرۆ، ئاشتۆن كارتەر، وەزیری بەرگریی ئەمریكا لە تویتێكدا لە ڕایگەیاند:” من تێدەگەم هەندێك ڕەش بیننن، بەڵام من بەڵێندەدەم ئێمە ئەركی خۆمان ئەنجامداوە. دەتوانرێت لەیەك كاتدا لە ئۆپەراسیۆنەكانی موسڵ و ڕەققەدا پێكەوە سەركەوتن بەدەستبهێنین.”
تُتاح هذه الصورة أيضا في: کوردی