بارزانی دگهل جێگرێ سهرۆكێ ئهمریكا كۆمبوو
waar – دهۆك:
سهرۆكێ ههرێما كوردستانێ، د چارچووڤێ پشكداریكرنێ د كۆربهندێ ئابۆری یێ داڤۆس دا، دگهل جێگرێ سهرۆكێ ئهمریكا كۆمبوو.
ل گۆری زانیارییان، مهسعوود بارزانی سهرۆكێ ههرێما كوردستانێ، د چارچووڤێ پشكدارییا خوه دا د كۆنفرانسێ ئابۆری یێ داڤۆس دا ل وهلاتێ سویسرا، ئهڤرۆ سات چواری ئێڤاری ل جهێ مانا جۆ بایدن جێگرێ سهرۆكێ ئهمریكا، دگهل بایدنی كۆمبوو و باس ل شهڕێ دژی داعشێ و رهوشا دهڤهرێ و قۆناغا پشتی داعشێ كرن.
چاڤهرێیه د چارچووڤێ مانا خوه دا ل سویسرا، بارزانی ههژمارهیهكا كۆمبوونان دگهل سهرۆك و سهركردهیێن وهلاتێن جیهانێ بكهت و ئهڤرۆ ژی، بارزانی دێ دگهل بهرپرسا سیاسهتا دهرڤهیا ئێكهتیا ئهورۆپا، وهزیرێ دهرڤهیێ نهرویج و سهرۆكوهزیرێن هۆلهندا، كۆمببیت.
د كۆنفرانسێ داڤۆس دا كو ئهڤرۆ دهستپێكریه و دێ بۆ دهما چوار رۆژان بهردهوامبیت، نزیكی چوار هزار كهس ژ سهرۆك و سهرۆكوهزیر و دبلۆماتكار و بازرگانان، ژ پترییا وهلاتێن جیهانێ، پشكدارن.
تُتاح هذه الصورة أيضا في: کوردی