پارتی و ئێکەتی: بریار ھات دان لژنەیەکا ئاست بلند بھێت دامەزراندن

پارتی و ئێکەتی: بریار ھات دان لژنەیەکا ئاست بلند بھێت دامەزراندن
WAAR-دهۆک:

ھەردو مەکتەبێن سیاسی یێن پارتی و ئێکەتییێ د راگەھاندنەکێ دا دیارکر، د کۆمبوونا ئەڤرۆ دا بریار ھات دا لژنەیەکا ئاست بلند ب راوژێکرن دگەل ئالیێن سیاسی و نەتەوەیێن کوردستانێ بھێت پێکئینان، ھەروەسا ئێکەتییێ نەخشەرێیەک بەرھەڤکربوو د ڤێ کۆمبوونێ دا رادەستی پارتی کر.

ب سەرپەرشتییا مەسعوود بارزانی سەرۆکێ ھەرێما کوردستانێ ھەردو مەکتەبێن سیاسی یێن پارتی و ئێکەتییێ ئەڤرۆ کۆمبوون، پاش کۆمبوونێ راگەھاندنەکا ھەڤپشک بەلاڤکر.
د کۆمبوونێ دا پارتی و ئێکەتییێ بریار دا لژنەیەکا ئاست بلند ب راوێژکرن دگەل ھەموو ئالیێن سیاسی و نەتەوەیێن کوردستانێ بھێت پێکئینان، بۆ دانوستاندن دگەل تەڤ ھێزێن نیشتیمانی یێن ئیراقێ ل سەر داخوازی و کێشەیێن دناڤبەرا ھەردو ئالیان دا و ب تایبەت پێنگاڤێن بەرەف ریفراندۆمێ.
ھەر د ڤێ کۆمبوونێ دا بریارا پێکئینانا لژنەیەکا تایبەت ژ تەڤ ئالیان ھات دان بۆ سەرپەرشتیکرنا پرۆسەیا ریفراندۆمێ و پێدڤییێن پرۆسەیێ ب شێوەیەکێ گشتی.
پارتی و ئێکەتییێ دانوستاندن ل سەر کێشەیێن ناڤخوە یێن ھەرێمێ کر، دوپاتی ل سەر پێکڤەکارکرنێ ھاتییە کرن بۆ دیتنا چارەسەریان، ھەروەسا داخواز ژ کەس و کارێن شەھیدان و پێشمەرگە و ھێز و ئالیێن سیاسی و رێکخراو و مەدیاکار و گەلێ کوردستانێ کرییە پشتەڤانێن پرۆسەیا گرنگا نەتەوەییی بن.

تُتاح هذه الصورة أيضا في: کوردی