كۆمسیۆن تۆمارا نوو يا دەنگدەران بهلاڤ دكت
SNN:
كۆمسیۆنی باڵای سەربەخۆی هەڵبژاردن و راپرسی هەرێم وادەی ئاشكراكردنی پاككردنەوەی تۆماری دەنگدەران ئاشكرادەكات، وتەبێژی كۆمسیۆنەكەش رایدەگەیەنێت: دوای ئامادەكردنی راپۆرتی كۆتایی لەهەفتەی داهاتوودا، بڕیارە لەكۆنفڕانسێكی رۆژنامەوانیدا سەرجەم داتاكانی تۆمارە نوێكەی دەنگدەران بۆ رایگشتی ئاشكرا بكەین.
شیروان زرار وتەبێژی كۆمسیۆنی باڵای سەربەخۆی هەڵبژاردن و راپرسی هەرێم بەSNNی راگەیاند: وەك ئەنجومەنی كۆمسیاران، سەرۆكی كارگێری كۆمسیۆنمان راسپاردووە، كە تا هەفتەی داهاتوو راپۆرتی كۆتایمان لەسەر نوێكردنەوەو پاككردنەوەی تۆماری دەنگدان بداتێ.
وتیشی”دوای ئامادەكردنی راپۆرتی كۆتایی لەهەفتەی داهاتوودا، بڕیارە لەكۆنفڕانسێكی رۆژنامەوانیدا سەرجەم داتاكانی تۆمارە نوێكەی دەنگدەران بۆ رایگشتی ئاشكرا بكەین”.
ئاماژەی بەوەشكرد، لەڕاگەیاندنەكانەوە بیستویانە، كە وا پەرلەمان داوای تۆمارە نوێكەی كردووە،”هەر بۆیە ئەگەر پەرلەمان داوایەكی فەڕمی لەوشێوەیە بكات، رەنگە ئاشكراكردنی تۆمارە نوێكە بۆ رایگشتی بكەوێتە دوای ئاشكراكردنی بۆ پەرلەمان، چونكە پەرلەمان تاكە بەرپرسیاری كۆمسیۆنە”.
تُتاح هذه الصورة أيضا في: کوردی