ھەرێما کوردستانێ و بەلژیکا رێککەفتنەک ئیمزاکرن
WAAR-دهۆک:
جێگرێ سەرۆکوەزیرێن بەلژیکا و شاندەکێ بلندێ وەلاتێ وی شڤێدی گەھشتنە ھەولێرا پایتەختا ھەرێما کوردستانێ و دگەل سەرۆکێ وەزیران کۆمبوون.
نێچیرڤان بارزانی سەرۆکوەزیرێن ھەرێما کوردستانێ شڤێدێ ل ھەولێرێ دگەل یان گامبۆن جێگرێ سەرۆکوەزیرێن بەلژیکا کۆمبوو، شەڕێ تیرۆرێ و ھاریکاریێن بەلژیکا بۆ پێشمەرگەی گۆتوبێژ ل سەر کرن.
شاندێ بەلژیکی بەردەوامییا پشتەڤانییا سەربازی بۆ ھێزێن پێشمەرگەی دوپات کر و گۆت: ئەو دخوازن د ھەموو وارەکی دا پەیوەندیێن دگەل ھەرێمێ پێشدا ببەن.
ژ ئالیێ خوەڤە، نێچیرڤان بارزانی رەوشا ئیراقێ و دەڤەرێ ب گشتی و گرفتێن ناڤبەرا ھەولێر و بەغدا بەحس ل سەر کرن.
لدۆر رێفراندۆمێ ژی، نێچیرڤان بارزانی دیارکر، سەرخوەبوون مافەکێ سروشتی یێن گەل کوردستانێ یە، لێ دڤێت دیالۆگەکا جددی دگەل بەغدا ھەبیت و گۆت: جڤاکێ نێڤدەولەتی دشێت ھاریکارییا ھەردو ئالییان بکەت.
ل داویێ ژی رێککەفتنەکا لێکتێگەھشتنێ ژ ئالیێ نێچیرڤان بارزانی و جێگرێ سەرۆکوەزیرێن بەلژیکا ھاتە ئیمزا کرن.
تُتاح هذه الصورة أيضا في: کوردی